Analysis Services
السلام عليكم ورحمه الله




اهل زوجي طيبين مرة مرة والله اني احبهم يكفي انهم في حالهم ولا عمرهم تدخلو في حياتي بس انا اغار اغار وغيرتي على زوجي انا زوجي اصغر اخوانه وفيه ثلاث بنات اكبر منه بعد ماتزوجو قمة في الادب قمة في الاحترام قمة في الجمال وفيه وحدة كبيرة متزوجة عمرها فوق الاربعين وعندها بنت بالمتوسط اللي يخليني اغار علاقتهم مع زوجي يدلعونه يا بنات دلع مو طبيعي وقدامي والله اغار غصب عني وزوجي معاهم مختلف عن اللي اشوفه بالبيت




امس العصر دقت علي خالتي وقالت لي تعالي بيجيني ضيوف كلمت زوجي ووداني وكنت انا وثلاث من سلايفي موجودات وكلهم قبل صلاة العشاء استاذنو من خالتي وراحوا بيوتهم وانا زوجي تاخر ما جاء الا بعد صلاة العشاء واول ماجاء استقبلته بنت اخته وحضنها وباسها وانا كاني ماشفت وسلم على كل اخواته وكلهم يحضنونه وسلم على امه وباس راسها ويدها انا هنا حسيتني بنفجر ليش ماحضن امه وجلس والله لو اقول محد يصدق اخواته انهبلو وحدة اخذت شماغه وقالت مافي روحه الا بعد العشى واللي تجيب له عصير وحلى واكل شوي وهي تحلف عليه وتاكله بيدها واللي ذبحني اني اطالع بزوجي ومستغربه كانه واحد ثااني لاتقولون لي عادي يجيبون له وياكلونه انا لو اسوي له نقدني وكم مرة احاول ادلعه وما احسه ينبسط البارح لا متغير اصلا انا من زمان مو عاجبتني علاقتهم




المشكله زوجي متنااااااقض يغار علي من اخواني ولا يبيني البس كذا وكذا وهو مفهمني هذا الشي قلت حلو يغار بس هو يسوي اللي يبي وما يبيني اغار



تصدقون من اول ماتزوجت تعرفون حنا العرايس زوجي قالي شيليه ما احب الحنا وكان يتقرف منه ومستحيل يخليني اتحنا



الحين امه كبيرة بالسن عمرها ممكن بالسبعين تحط يدها على راسه وياخذ يدها ويبوسها وهي محناة



تجننت كل تصرفاته متناقضه



بعد فيه موقف باايخ مرة اخته اللي اكبر منه بسنه مغيرة غرفة نومها والبارح تسحب بيد اخوها تقوله تعاال شوف غرفتي لحد ماقام وراح شافها لاتقولون لاتغارين غصب غصب اغار




والله انهم طيبين والبنات احبهم موت وخالتي مافي مثلها بس علاقتهم بزوجي مرة متفتحه ممكن انا ما الومهم الوم زوجي لانه عندهم غير عن البيت حتى بنت اخته تتجرأ عليه وانا زوجته ما اقدر اتجرأ والله ان حتى بشكله يتغزلون فيه وبنت اخته تقول خالي ليش ماتسوي سكسوكه وتلعب بدقنه




وكنا جالسين بصالون كبير وقام زوجي وجلس باخر الصالون بيدخن وقامت اخته تقول ماعندنا طفايه واخذت صحن من عندنا وراحت عنده وحطت الصحن وجلسو يسولفون ويوم زوجي خلص دخانه جاء جلس عندنا وطلع معطر فم وعطر فمه مسوي نظيف قدامهم وهو بالبيت اتشحد فيه يتعطر بعد الدخان ومرة يتعطر وعشرين مرة لا




واللي يقهر انه بمجرد ما ركبنا سيارتنا لحد ما وصلنا البيت وهو ساكت ونزلت من السيارة وهو على طول قفل السيارة قلتله شنطتي قالي الله من الدلاخه ليش طيب هالاسلوب




مشكلتي احبه وودي ارضيه وودي يغير اسلوبه معاي انا ما اقول شين شين بس معاملته لي تختلف عن اهله
01-06-1432 هـ, 01:38 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعطيكـ العافية . .

و تقبلي مـــ ـــروووري .

الله يعينكـ .
01-06-1432 هـ, 01:39 مساءً
 
طيب ليه ما تكلمينه ؟؟
قولي له اللي في خاطرك بدون ما تبينين إنك غايره ..
وكلميه بهدووء
01-06-1432 هـ, 01:46 مساءً
 
انقههههههههههههرت منننننننننننننننننننننننننننننننننه
مالت على هيك رجال عند اهلهم ياي انواع الطيبه وعند زوجتة مثل الاسسسسد
01-06-1432 هـ, 01:50 مساءً
 
كثيييييير امثال زوجك
الله يعينك
01-06-1432 هـ, 01:51 مساءً
 


الساعة الآن 06:10 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏