حبيبتي فيه شغله حلوه اذا كان الضيوف كثيرين
ولذيذه ومشهيه انو تحطي مثلا هرفي صغير بالفرن بحيث يكون اساسي وجميل يغنيك عن بقية عمل الاصناف الاخرى مع الرز كاساسي ولا يبقى الا السلطه
والحلويات حاولي تعمليها من الليل
04-06-1432 هـ, 05:59 مساءً
 
السلام عليكم
حلى مناقيش التمر
1 / المقادير :
تمر تقريبا 2كيلو / حليب بودره محموس تقريبا 1 كوب /بسكوت شاي مطحون 1 / زبده نص اصبع تقريبا
(تعجن المقادير السابقة مع بعض جيدا ثم تكور وقبل ان تصف في طبق يكون جميل وكشخه يرش في ارض الصينيه بسكوت شاي مطحون وبعد ذلك يصف التمر )
2 / حليب نستله مركز ومحلى + جبن كيري تقريبا 9 او 10 حبات
(تخلط مع بعضها في الخلاط ثم تصب على التمر بالتساوي وبعد ذلك خذي شوية نسكافيه في ايديك وفتفتيه بايدك ورشيه كزينه على الطبق ثم اغرزي في كل حبه عود اسنان من الاصليه
وبالعافيه
ممكن تكورين التمر من اليوم الي قبله وبنفس اليوم حطي خلطة الجبن في الاخير لان الي ياخذ وقت تكوير التمر
وبالنسبه لحلى طبقات الارض ان شاء الله اسويه قريب وانزله
05-06-1432 هـ, 03:37 صباحاً
 
الله يكون فى عونك وان شاء الله تتشرفى بالعزومه امام زوجك
05-06-1432 هـ, 03:44 صباحاً
 
دامك تعبانه وحامل وماعندك شغاله
جيبي حلا جاهز مع القهوه..
او جيبي الشوكلاتات مثل رافيلوا وحطيها باوراق بلاسيه وحطي عليها هيرشي وتمر يكفي
فطاير بلاش مع الشاهي لان وراهم عشاء
وترى الرجال لاشافو المفطح ماينتبهو للي حوله
بس سوي جريش وقرصان لان القلاصان سهل وطعم وكذالك الجريش
وسوي سلطة فتوش او سلطه خضره تبوله ماتصلح مع المفطح< اختاري نوع سلطه وحده
واذا فيك حيل سوي سبرنغ رول
والحلا جلي بالفواكه حطي مع الجلي فواكه مشكله باكواب زجاجيه ولما يجمد زينه بدريم ويب وتشيز كيك يكفي
ولاتنسي مناديل حول السفر وترتيب الملاعق والسفره وببسي ومويه وترى طريقة التقديم تلعب دور
وصدقيني هذه يكفي وتراهم ماراح ياكلون الا المفطح وينقنوقون
05-06-1432 هـ, 03:47 صباحاً
 
جزاكم الله الف خير وجزاء الله كل من ردت جنه عرضها السموات والأرض

أدري يابنات أن مو لازم اصناف كثيره وانه ماراح يأكلونها

بس زوجي المصون يبغى على قولته سفرة تبيض الوجه
05-06-1432 هـ, 07:24 صباحاً
 


الساعة الآن 07:46 .