um-aziz :

طريقته حلوة وسهله بس محتاجة شوي تركيز + حسابات انا سويته لعمر 3- 6 اشهر وان شاء الله يطلع لها مضبوط للاسف ماصورت خطواته بس راح اشرحه لك كتابي وان شاء الله يكون واضح لك البداية تشتغلي من تحت لاعلي راح اشرح لك طريقتي بالمقاس اللى انا سويته وانت غيري بالمقاس مقاس الصدر كان عندي 22ونص هذا نصف المقاس يعني 45 سم للامام والخلف انا اشتغلتها 60 سم بمعدل 30 للامام و30 للخلف وعدد الغرز يكون يقبل القسمة على 8 + 2 ارتفاع اول سطر اشتغلته نصف عمود اللي بعده اشتغلت صدفه من اربع اعمده لكل جنب لانك لو لاحظتي الصورة الصدفه كل ماطلعت لفوق كل ماقلت عدد الاعمده وهذا راح يعطي المنظر اللى طالع عليه الفستان الغرزة عبارة عن سطرين وتكررينهم الى الطول المطلوب بعدين لما توصلين لمقاس الصدر بعد ماتكونين سويتي تنقيص للاعمده والسلاسل حاولي يكون المقاس صار يناسب صدر البنوتة بعد عملية التنقيص بعدها اشتغلي حشو دورين والدور اللي بعده اشبكي اللون المخالف واشتغلي الغرزة اللى جاية مع الصورة فيها باترون الوردة هي عبارة عن خمس سلاسل وتشبكينها بحشو والسطر اللى بعده تشتغلين 3 سلاسل حشو وتطلعين اربع سلاسل وتسوين فيها 3 اعمده مجمعه عشان تعطيك اول بتله وترتفعين 5 سلاسل وتغلقينها بمنزلقة وتطلعين منها ب 3 سلاسل وتشتغلين عمودين مجمعه بعدين 3 سلاسل وتغلقينها بمنزلقة وتكررينها مرتين الثالثة تكون زي البتلة الاولى من 3 اعمده مجمعه وتشبكين بحشو وتكررين العملية بعد ماتنتهين من السطر هذا ارجعي اشتغلي حشو مرة او مرتين حسب رغبتك وبعدها اشتغلي اعمده الى ماتوصلين للابط اقسمي الدوران قسمين منتصفين واشتغلي الامام لحاله والخلف لحاله طريقة اغلاق الفستان انت حرة فيها ممكن من الخلف وممكن من اعلى الكتف والاسهل من رأيي اعلى الكتف الحواف زينتها بحشو مع غرزة بيكو ان شاء الله يكون شرحي واضح ومفهوم والعذر والسموحه لو كتبت شي غلط لاني مو مركزة بس ان شاء الله تفهمين

طريقته حلوة وسهله بس محتاجة شوي تركيز + حسابات انا سويته لعمر 3- 6 اشهر وان شاء الله يطلع لها...