السلام عليكم

باختصار أنا هالسنه بتخرج ... وتعرفون الوظايف وشقاها
المهم أني أنا ما أملت ع الوظيفه من بدري ... وقلت بسوي لي مشروع بسيط يدخل علي مبلغ لو بسيط المهم اشغل وقتي ويكون عندي دخل ... لحد مايجيب ربي الوظيفه
أنا أحب الطبخ واتوقع واضح من الشعار >> مداح نفسه
ومن زمااان قاعده افكر بمشروع يخص الطبخ ومو مكرر وبنفس الوقت مايكلفني كثير
حلا قهوه >> على قفى من يشيل
كب كيك >> أكثر من الحلا صاير
مفرزنات >> ماشاء الله مايقرب رمضان الا كل وحده تفرزن وتبيع
المعمول >> مع أن شغلي فيه حلو بس فيه اللي احلى مني واتقن مني
فكرت بالميني تشيز كيك خصوصا أنه مو منتشر عندنا ... وشريت الصينيه عشان اجرب فيها ... طبعا ماطلع بالشكل المطلوب + اكتشفت ان الناس مايقدرونه مثلي + وعندنا محلين بالرياض يبيعونه ولا يجيبون الناس طاريه

عندي ثلاث افكار محتاره بينهم
الأولى : ابيع الباستا لأني احبها وفنانه فيها ... وماشلت هم غير اني شلون راح اقدمها للزبونه خصوصا اللي تبيها بصينيه وأنا حاطه ببالي أني بحطها بصحون القصدير .
الثانيه :السلطات والساندويتشات الخفيفه ... يعني تنفع بوفيه فطور ومثل هالأشياء خصوصا المدرسات يحبون هالحركات .
الثالثه : الحلويات البارده اللي بكاسات .. اللي تكون لبعد العشاء ... قليل اللي يبيعونها والناس يحبونها خصوصا لو كانت طريقة تقديمها مميزه ...

حاليا قاعده افكر جديا اتخصص بس بالسلطات ... لأني الحمدلله احبها واتفنن فيها وقليل جدا اللي يبيعونها من الحريم ... وأنا اشوف باجتماعتنا يركزن ع السلطه اكثر شي


أنتم وش رايكم ؟؟؟
04-06-1432 هـ, 05:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك ويرزقك الررزق الحلال
04-06-1432 هـ, 06:10 مساءً
 
موفقه
04-06-1432 هـ, 06:27 مساءً
 
حلو ماشاء الله
فكرة السلطات حلوه وممكن تعملي كورس لليوم كامل
للي بيعملوا رجيم
وتتواصل معاهم من خلال الطلبات الالكترونية او الموبايل


فكرتك في محل عندنا في جدة اسمه دايت شوب معظم اللي يقدمه سلطات
روعه
وربنا يوفقك ويرزقك
04-06-1432 هـ, 06:28 مساءً
 
والله فكره الله يرزقك من اوسع ابوابه
04-06-1432 هـ, 06:30 مساءً
 


الساعة الآن 03:22 .