ماعد عند الناس يالربع غيره
البنت وسط السوق تلبس قصيره
وبنطلون وكعب عالي خطيره
الوقت بلوى وابتلتنا بلاويه
حتى العجايز قالن اللبس جايز
اللبس الأول صار في السوق بايز
على الموديلات الجديده جوايز
لو حرمه شيخ القضا مالقيتيه
وإن قال راع البيت هذي فشيله
قالت عليه ألبس عباة طويله
وليا لبست اصير حلوه جميله
وتشوف مايخطر في بالك ويرضيك
قال البسي يانور عيني غناتي
واكسي من اغلى اللبس حتى بناتي
ومن أحسن الألوان لون النباتي
ومن كل مايعجبك في السوق جيبيه
قالت نبي سواق قال ابشريبه
عشانك من الهند أسافر واجيبه
ماأرضى مع أسنانك عليك الغليبه
اسكنه في البيت وأن زعل أراضيه
قالت له الشغاله اصلاً ضروري
انجيبها تطبخ لنا طيع شوري
وان جبتها ليه تراك معذوري
الشاهي تسويه والثوب تكويه
قال أبشري لجيب من سريلانكا
والا لجيب من الفلبين صنكا
والا من المغرب عجوز توكا
خايف على سواقنا نبتلش فيه
قالت فراش البيت لازم يغير
قبل رمضان وقبل يافا قصير
حتى ليا جا يمنا من يسير
يقول بيتي زين والرب حاليه
قال الطلب كثرة يزود ديوني
ياليت من كثر الطلب ترحموني
الناس بالاقصاد ماسامحوني
وراتبي كله بالاقصاد معطيه
وأنتي ليا قلت افزعي ساعديني
قلتي لبويه راتبي لا يجيني
أبوي درسني وجاب تعييني
وقال لي راتبك تراي باغيه
لولو 12 @lolo_12_2
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️