اليوم جايبه لكم صينية الرز بالقشطه المعتمده عندنا بالبيت بس هالمره اختي الله يرزقها الوج الصالح عملتها لصديقاتها
نبدأ بالمقادير:
بطاطس مقليه وجزر مبشور
ثم نسلق الرز سلق كامل بالبهارات والملح
دجاجة مسلوقه ومفتته
نبدأ الحين نحمر البصل مع الزيت ولين يصفر لونه ويذبل
نحط عليه البهارات علشان تعطي نكهه ونضيف فلفل حار مقطع صغير حسب الرغبه ممكن تستغني عنها
ثم نضيف الدجاج المفتت على البصل والبهارات ونقلب كويس
الحين نضيف البطاطس المقلية على الدجاج
بعدين نضيف الجزر المبشور ونقلب
وهذا شكل الحشوة لما انتهت
يتبع لاحد يرد لين اكمل
هنا بعد ماخلطتهن مع بعض
وهذا الرز بعد مااستوى
الحين نبدأ نصف الطبقات الطبقة الاولى رز
بعدين خلطة الدجاج ونضغط عليهم بالملعقة علشان تطلع متماسكه
بعدين طبقة رز ثانيه
ونضغطها زييييين بعدين خلطة الجننه والقشطه
وندخلها الفرن لين تتحمر من فوق وهذا شكلها بعد مااستوت شوفوا الطبقات كيف
وهذا شكلها بعد ماتحمرت بس من صينيه ثانيه لانها عملت صينيتين
وبالف صحة وعافيه
مررررررره لذيذه جربيها وصدقيني بتعتمدينها
دعواتكم لاختي بالزوج الصالح