اقتباس مشاركة  (يــارا)
معليش اسمحي لي اقولك شي فيه بعض معلوماتي وافكاري عن هالموضوع


اولا الامر مافيه ربا لانهم يبيعونك عقار حاضر بسعر اجل وهم حرين يرفعون السعر على كيفهم دامك راضيه

مثل التاجرات هنا مثلا

تلاقينها تبيع سلعه جارتها تبيعها لكن هي اغلى من جارتها ب 20% ولا احد يقدر يقول لها بم

ثانيا

البنوك افضل واريح واضمن لك من مليون شركه عقاريه لان الشركه لها صاحب واحد لكن البنك مساهمين وللبنك نظام عقود محترم مافيه لعب ولو مات صاحب البنك عقارك موجود مايروح عليك شي لكن الشركه يمكن يكون نصب ويمكن اشياء اخرى مو مجالها الان لكن باذكر لك واحد من المشصائيب حقتهم

عندك شركة نسيت اسمها
عامل مالكها للناس تقسيط سياره وبيت واثاث ومدري بعد ايش

المهم نصب على كثير من الناس ولا قد يوفي بعروضه والان هو في السجن وفلوس الناس ياخذونها في الجنه

والثاني لعب على الناس وباعهم اراضي على اساس يبينها لهم باقساط وتلاقينها قدام سابك على الدائري اكل فلوسهم وبيعهم هواء وهو مشهووور جدا الموضوع له 12 سنه او اكثر والان بيع المشروع لشركه وبنته وصار يهبل واهل الملك راحوا فيها وبياخذونه كمان في الجنه

لذلك خلي عندك موضوع شركات

مع العلم حسب بحثي وتجربتي الشركات اغلى و اعلا نسبه

البنوك الان فيها نسه 1 ونص

وهذولي اقل نسبه 3 مجرمين يعني

طيب
بيقولوا لك نسبه تراكميه ومدري ايش

ماعليك من هالكلام مايفرق كثير فيالمبلغ حسب تجربه اختي فرق معاها تقريبا في كل 100 الف الفين ريال
يعني لو عقارك بمليون بيكون الفرق 10 الاف مايسوى الصجه واللجه اللي بيسووها لك


امر مهم

بعض البنوك ولا اظن الراجحي منها

يعطيك سماح ويعفيك من القروض في حاله الوفاة بعد عمر طويل الله يكتب لنا ولك الصالح فيه يارب
لذلك هذا اضمن في حين الشركه تبيع اهلك اللي وراهم وقدامهم علشان تاخذ حقها
وشوفي الجرايد كل يوم والثاني مطلعه مزاد على عقار فلان وفلتان
ليش؟؟؟
استيفاء لدين متوفي

الله يرحمنا برحمته

وصدقيني لو بتروحين لاقرب فريب لك تقولين له سلفني مليون اقسم لك مابيسلفك وانت بتردينها في خلال 20 سنه

الا اذا هو الراجحي
وحتى الراجحي يمكن يفكر كم مره قبل يسلفك


لذلك احسبي الامر واطرحي واقسميه صح وشوفي من بيقدر يقرضك قرض اااااامن قليل المخاطرررر ولا تقولين ربا لانهم كللللللهم يبيعون ويشترون بنفس الطريقه



والبيع والشراء حلال
الا ماثبت حرام


وانا ابشرك لا مالكه ولا تاجره ولكن مجربه مشاكل النصابين ولا ودي تطيحين فيها

وشي مهم

البعض يحسد البنوك او الشركات يقول ماراح اخذ منهم بيغلبوني بالسعر وياخذون فائده كبيره مني

لكن مايفكرون انهم هم اصحاب المصلحه وبيملكون بيوتهم بعد سنوات وبيرتاحون مه الشحططه

يعني حسد ونجاسه لانفسهم

وهذا اللي مضيعنا

اتمنى يفيدك ردي ويعينك على اتخاذ القرار المناسب


كتبته لله منفعه لخلقه وطلبا للاجر في هذا اليوم الفضيل المبارك اسأل الله ان لا يحرمني اجره واجر من قرأه واستفاد منه عضوا وزائرا
روحي ياشيخة ربي يوفقك ويرزقك ويسخر لك خلقة على هالصباح
وكل وحدة ردت علي وبردت قلبي الله يوفقها ويسخر لكم خلقة
اما انتي يايارا
وربي حسيت اختي تكلمني سبحان ربي
لكن فائدة بنك الراحجي كبيرة مرة ماتوقعتها كذا
تخيلي يعطيني 700 وياخذ 600
الفائدة 600
كبيرة مرة بقياس على المبلغ
10-06-1432 هـ, 04:53 صباحاً
 
اقتباس مشاركة  (Mis$ Kitty)
روحي ياشيخة ربي يوفقك ويرزقك ويسخر لك خلقة على هالصباح
وكل وحدة ردت علي وبردت قلبي الله يوفقها ويسخر لكم خلقة
اما انتي يايارا
وربي حسيت اختي تكلمني سبحان ربي
لكن فائدة بنك الراحجي كبيرة مرة ماتوقعتها كذا
تخيلي يعطيني 700 وياخذ 600
الفائدة 600
كبيرة مرة بقياس على المبلغ
اسعدني اطلاعك على ردي
ولك رساله بالخاص فيها تفاصيل اوفى باذن الله

موفقه لكل خير
10-06-1432 هـ, 03:08 مساءً
 
الله يوفقك ويرزقك بالحلال الطيب
وانا اشهد انك قلبك ابيض
10-06-1432 هـ, 03:57 مساءً
 
ماشاء الله ومنكم نستفييد
10-06-1432 هـ, 04:23 مساءً
 
عزيزتي يوجد العديد من انواع القروض
باامكانك طلب قرض الايرادات
وكذدل القرض العقاري لشراء منزل ويوجد بدفعه وبدون دفعه
وكذلك القرض بشريك تضامني لا يلزم بااي امر سوى فقط يرفع من قيمة قرضك
اي كمساند فقط

وربنا يوفقك ويرزقك
11-06-1432 هـ, 12:17 مساءً
 


الساعة الآن 02:44 .