عزيزتي انا بقولك تجربتي

انا مثلك احب الماكياج والتجميل

بس انا ما فتحت صالون لغاية الحين
انا امكيج ف البيت وصدقيني انها شغله تكسب ذهب وخلي اسعارك دايما منافسة للصالونات من واقع تجربتي سعري رخيص جدا جدا مقارنة بالصالوناتولو ما كسبيتي كثير بس اهم شيء انك ف هالمرحلة انك تكسبي زباين وتعرفي الناس طريقة شغلك
وللعلم استخدم نفس ماكياجهم يعني البنت الوحدة امكيجها بــ 15 ريال عماني
وللعلم في بنات وحريم كثار يجبون يروحو للبيوت خاصة في فترة الاعراس والزحمة بدل الصالونات وخلي شغلك يكون متقن يعني انا مثلا ما آخذ اكثر من 4 بنات في اليوم الواحد علشان اقدر ابدع في عملي واذا كان في متسع من الوقت اقدر آخذ 5
على حسب الزباين يعني لو عروس يبيلي علىأقل تقدير ساعة وربع امكيجها

عموما ابدأي وتوكلي على الله اذا الله كاتب لك رزق فبتحصلينه

اما مشروع الصالون انتظر لغاية ما نبيني بيتنا واخصص له مكان مثل ملحق للبيت واسويه صالون فقط شعر ومكياج لا غيرررررررر

والله يوفق الجميع
15-03-1426 هـ, 10:11 صباحاً
 
أهلين أختي فيئ
والله من خلال تجربة لي شخصياً ، الناس تخاف تجي على البيوت والكل يقولك لأ تعالي انتي على بيتي ، أفضل حل تتشاركي مبدأياً انتي وواحدة تعرف تسريح الشعر وتفتحوا محل وانتي عليك الماكياج وهي الشعر وبعد ما تنشهري والناس تعرفك ممكن تفتحي صالون خاص بك .
انا مثلك اعمل ما كياج والكل يطلبني اسوي له بس كلهم يبغوني على بيوتهم وزوجي يرفض لأن الموضوع فيه مخاطر يعني الواحد ما يعرف البيوت اللي يدخلها ، ورحت فتحت لي مشغل والحمد لله مشى شغلي تمام وكلفني كثييييييييير لكن ما امداني امارس هوايتي اللي احبها والناس تطلبني الا بدأت مشاكل العاملات . اللي تعتذر واللي تهرب واللي تسرق ........الخ كل يوم اروح الاقي مصيبة ، وأنا لأني ما احب اللف والدوران والشغل الأي كلام واحب اني اقدم أفضل شيئ للزبونة عشان سمعتي ، يعني مو يوم شغل روعة ومن بكرة اي كلام عشان والله العاملة الكويسة ما جات للمشغل اليوم اضطريت ابيعه واقعد . والى الان الموضوع مستهويني بقوة لأني اساسا انا رسامة واحب الرسم واحس هذي المهنة هي اللي تحقق متطلباتي . لكن ما عندي استعداد أدخل في متاهات ثانية . وأفكر الحين اني استأجر جزء من مشغل خاص فيني حتى احقق هوايتي لكن برضه النظام هذا موجود برة موب عندنا . اسفة اني طولت عليك لكن حبيت اني اشرح لك تجربتي قبل ما تبدأي حتى تكون خطواتك مرسومة وما يحصل شي ما كان على بالك والله يوفقك
وشي مشرف انه الموضوع بدأ يلاقي صدا عند البنات انا افرح لما الاقي بنات متحمسين زيك وخصوصا سعوديات
15-03-1426 هـ, 10:16 صباحاً
 
بصراحه هي شغله حلوه 000وطبعا مربحه خاصه اذا كنتي موهوبه ومتقنه للشغله

انا من راي ((اغلب الناس ماتحب تروح للبيوت اذا تقدري تتفقي مع وحده خاصه بالشعر

وتصيروا انتم تروحوا للزبونه 0000مثل شذى))000وتكون اسعارك مناسبه

مش كل يوم تزيد وتتغير00


وبالتوفيق
15-03-1426 هـ, 01:04 مساءً
 
الله يجزاكم الف خير ما قصرتوا
انا قررت امارس هوايتي في مركز نسائي حتى اثبت وجودي بعدين في المستقبل افتح في بيتيئز
شكرا للجميع
28-03-1426 هـ, 03:39 مساءً
 
مرحبا بنات اللي شاطره بالماكياج وتبغى وظيفه بمشغل راقي بالدمام تراسلني عالخاص...

وتذطر كل المعلومات الخاصه فيها....
28-03-1426 هـ, 05:27 مساءً
 


الساعة الآن 08:57 .