بنات الحقوني زوجي له اسبوع مايكلمني\ولله الحمد تم الصلح والشكر لكم موصول ^_^

بنات اكتب لكم وربي يعلم بحالتي

صار بيني وبين زوجي موقف وابيكم تحكمون فيه وانا راضيه بالحكم اللي تشوفونه ومستعده اسوي اي شيء بس يرضى

بقولكم اللي صار لي بكل امانه... بس لاتخلوني تكفون مالي غيركم ومشكلتي مايدري عنها الا رب العالمين وانتم حتى امي واخواتي ماقدرت اشكي لهم..

سالفتي بكل اختصار.....
تعرفون ان الاسبوع هذا اخر اسبوع بالجامعه والاختبارات. وزوجي الاسبوع اللي راح واللي قبله كان مره مشغول واغلب وقته بالمكتبه.


ولاهي عني ولا يدري عني وانا وربي مقدره ظروفه ومتحمله وادعي له من قلبي ان ربي يوفقه...


اللي صار باختصار انه دايم يروح المكتبه ويطول يجلس الى الساعه 6 الصباح تخيلوا بعدين يجي ينام ويصحى الظهر وياكل اي شيء خفيف ويرجع للمكتبه..

الاسبوع الماضي زوجي على نفس نظامه كلمتني وحده من البنات وعزمتني عندها على يوم الجمعه طبعاً ماحصل فرصه اني اكلم زوجي واقوله وبنفس الوقت نسيت السالفه والعزيمه كلها نسيت موضوعها لان الايام بالنسبه لي تتشابه ..

جاء يوم الجمعه العصر كلمتني وحده من البنات تسألني متى بتروحين لفلانه انا وقتها كاني نايمه صحيت وتذكرت العزيمه... قت لها مدري يمكن اروح ويمكن لا.. قالت ليه قلت نسيت ومااستاذنت من زوجي.

قالت من جدك؟ قلت لها ايه؟ قالت البنت تصير جارتك وتوصلين لها على رجولك... يعني ماراح تطلعين برى المجمع ولا تروحين مع احد وبعدين سبق وزرتيها يعني عارفه ان زوجك راضي عن زيارتك لها.. وقتها حسيت كلامها منطقي..

وبدون تفكير صرت افكر وش اخذ معاي واشوف المقادير المتوفره...

واصلح الطبخه والبس والبس ولدي واروح ع رجولي للعزيمه- وعلشان ابري ذمتي دقيت على زوجي بس للاسف ماشبك جواله لانه بالمكتبه فيه عازل..


وتوني وصلت عند البنت ولان حظي يكسر الصخر دق زوجي ومن فرحتي باتصاله رديت

قال وينك؟

قلت عند فلانه بكل براءه؟

قال فيكم شيء وصوته مره خايف؟

قلت لا بس اجتماع البنات

بعدها سمعت طوط طوط

سكر بوجهي

وادق مايرد

واروح طيران البس عبايتي وقلت للبنت اني نسيت علاج ولدي واطلع واشوف سيارته تمشي


معناها كان بالبيت ويوم مالقانا مشى


وادق عليه ومايرد

وبعدين ماصار جواله يستقبل وقلت اكيد راح المكتبه...

واجلس في العزيمه معاهم ولاني معاهم لاني حاسه بالذنب وخايفه وفكره تودي وفكره تجيب.

وماصدقت خلصوا العشا وشلناه ورتبنا الشقه الا استاذن وطيران لبيتي..


واجلس ادور ببيتي اقول يمكن تارك لي ورقه يمكن يرجع يمكن يدق... بس لاحس ولاخبر

ولا رجع الا الساعه 8 الصباح تخيلوا يعني زود ساعتين ع غير العاده وربي يعلم كيف مرت علي الساعتين..

رجع وكنت صاحيه ويوم دخل ماسلم واجي اهلي فيه ولاعطاني وجه ومكشر وحالته حاله..

دريت انه زعلان وع طول بديت اقدم له اعذاري من دون مايسال او حتى يسمع لي..

عطاني كلمه خلاني مااعرف اكمل.. قال لو ماجيت كان مادريت انك طالعه...

وقتها بلمت وتنحت وماعرفت ارد

قلت له اني دقيت بس ماشبك الخط

قال اثبتي؟

قلت ربي يعلم وشاهد...

قال صح الله العالم........... قالها باسلوب كنه لاقي علي مصيبه وان ماخفي كان اعظم..

وقال مابي اسمع صوتك تعبان وقرفان ومالي خلق..


ودخل ينام

وانا دخلت بهم مايعلمه الا ربي

وقلت ماعليه اختبارات ومابي اضيق صدره مع ان المفروض ازعل من اتهامه لي وقلت خليني اثبت له اني بنت ناس ومتربيه واتحمل لانه مو وقته اصير ضده وعنده اختبارات...

لكن للاسف ماقدر هالشيء والله العالم وش يظن فيني وسبب صبري وسكوتي...

اليوم كملنا اسبوع على اللي صار واختباراته انتهت يوم الثلاثاء واذا كان الجدار يكلمني او يرد علي فهو يكلمني او يرد علي..

والاسوء انه ماياكل عندي ولا يشرب ولايجلس بالبيت... دايم برى

وانا يابنات اعترف اني غلطت بس هو بالغ بردة فعله وانا ماسويت شيء مايرضي ربي الا بخروجي من غير اذنه لكن رايحه لناس فيهم خير واجتماع محترم..


بنات علموني وش اسوي فيه.. انا خلاص نفسيتي تعبت..

تكفون لا تخلوني من نصايحكم يكفي هم الغربه بعد غربه وكربه ترى باروح فيها


واللي ماعندها لي حل تدعي لي تكفون