كوبونات الراقية تسجيل الدخول

عيـــــون غاليها

لو كنتم مكاني شتسون ؟ ما فيه وقت وانا مو عارفه شسوي

الأسرة والمجتمع •

السلام عليكم ورحمة الله وبركاته

خواتي الغاليات لي مده وانا تعبانه لا آكل ولا أنام

والمشكله بنتي حيل حيرتني واتعبت نفسيتي

بنتي عمرها 24 سنه وتقدم لها شاب الكل يثني عليه وعلى اهله وعلى اخلاقهم وسمعتهم ومن قبيلتنا وهذا كان شرط لها للموافقه على الشاب اللي تزوجه يكون من نفس قبيلتنا
وهي مره تقول موافقه و 10 مرات تقول لا

وهذا مو اول شخص يتقدم لها كل ما تقدم شخص رفضته لا تظنون في بالها احد قعدت معاها كلمتها اكثر من مره واقسمت بالله ان ما في تفكيرها احد لكن هي الحين رافضه فكرة الزواج بالمره
تبي وظيفتها وسيارتها وتكمل دراسات عليا وبس الزواج مو في بالها وهي حاليا متخرجه من الجامعه وبوظيفه حلوه وسيارتها عندها مو ناقصه الا تكمل نص دينها بس رافضه وانا كل مره ترفض معرس اتحايل عليها حتى البكي ابكي عندها وتلزم على رفضها واسكت ووافقها ونرفض المتقدم بس هالناس انا ارتحت لهم وصار لنا فتره نسأل ونسأل عنهم الكل مدح في اهله وفيه واكثر شي انا خايفه منه سألت عنه يعني صلاته وما يكون يشرب محرمات وعصبيته والكل قال ونعم فيه ولا عنده سوالف حرام وانسان في حاله اذا حصل منه خير ولا ما حصل منه شر وبصراحه ارتحت لهم وحاولت اضغط على بنتي رغم انه اقل منها شهاده وعمره اكبر منها بكم سنه وهذا اللي مخليها رافضته ومتردده بس انا بكيت عندها وتحايلت عليها وهي تضايقت مني وقالت لي ان توها صغيره واني ابي اخلص منها وهذا والله مو صحيح ابيها تبني حياتها الخاصه قبل ما العمر يركض وتسرقها الوظيفه والدراسه من حلم الامومه اللي تعشقه بس مو راضيه تفهم وهي خايفه حيل مو متعوده احد يهاوشها او يضايقها وخايفه منه تقول ممكن يبكيني او يمنعني من وظيفتي او اكمل دراستي او يمنعني اسوق ساعتها ما راح اسامحك لانك جبرتيني وانا عاهدتها ان كل هالشغلات ما راح تصير ووافقت وهي مو مقتنعه وقالت لي جذي وانا يوم كلمتني امه قلت حنا موافقين وحياكم الله ومن قلت لها هالكلام وانا خايفه وحاسه بتأنيب الضمير هل جنيت على بنتي ؟ هل استعجلت عليها ؟ والشاب ممكن يسيء لبنتي ولا يضايقها ؟ والله اني محتاره وتعبانه هذي اول بنت عندي ازوجها ولا لي خبره من قبل ولا اعرف شسوي ساعدوني خواتي انا بالهالطريقه غصبت عليها والا ابي مصلحتها وانا كل همي تشوف نصيبها لاني اعرفها لو ما غصبت عليها ما راح ترضى بالزواج من كيفها هي تقول لي بعد سنتين راح افكر بالزواج مو كثير وعمرها يصير 26 سنه ولا شرايكم ياخواتي ام المعرس تقول بكره راح يجي المعرس وابوه واخوانه شرايكم خواتي بنتي بس ساكته وقاعده بغرفتها وانا احترت وتعبت وابوها ما يبي يجبرها بس يقول سنها موافق للزواج الا متى وهي كل معرس ترفضه !

ساعدوني وعطوني رايكم لو كنتم مكاني شلون تصرفون ؟
8
1K

يلزم عليك تسجيل الدخول أولًا لكتابة تعليق.

تسجيل دخول

لين444
لين444 •
بعد ما تدخل عليه رح تتعلق فيه
وانت وقتها قليلها خلاص مو لازم تتزوجين اخاف يمنعك من السوق و تكون فيه عيوب بعدين تحطين الوم علي مافيه كامل الا وجه الله
وهي مارح تقدر ترفض لانها بتتعلق فيه وانت في نفس الوقت ماتقدر تلومك بعدين .

سنها مناسب لزواج وانت سويتو الي عليكم وسألتو عنه ان شاء الله ماتندمو اهم حاجه اشرطو الوظيفه وسيارتها و بيت مستقل .
وجودك ؛ أفقده
وجودك ؛ أفقده •
لاتزوجيها بدون رضاها وقناعتها لو سبحان الله ماتوفقت معه او مارتحت له
ترد اللوم عليك
والله مثل حالة بنتي بس بنتي ماهي موظفه مخلصه نظم معلومات وتبغى تقدم بالابتعاث وتقول لو ماحصل لها
تبغى تكمل دراستها العليا بالسعوديه
خليها على كيفها صحيح سنها مناسب
بس صدقيني ماينفع تحاولي فيها
انا حرمت ازوج البنات بدون قناعه تامه لانه عندي بنت تزوجت برضاها بعد قناعتي انا ومبسوطه الحمدلله مع زوجها لكن كل مازعلت لامتني وقالت انتي اللي زوجتيني وانا وافقت عشانك بس
اتركيها تكمل دراستها وماعليك نصيبها بإذن الله بيجيها لو هي بالثلاثين دام خيرها بيدها لاتخافي عليها
والله ماعاد في زيجة البنات راحه ولاعاد فيه رجال يسعدو ويريحو البال .

روائع*
روائع* •
صلي الاستخارة وربي ييسر اللي فيه الخير

وتوكلي على الله حق التوكل ...
منوةالخيال
منوةالخيال •
لاتضغطين عليها بالزواج.. اقنعيها انها فترة تعارف بينهم اذا عجبها مارتاحت له بكيفها يعني يملكون بس

الا الزواج لاتغصبينها خليها عن قناعه .. لان اقل شي بيصير بعدين بتندمين انتي مع انه نصيب بس ولو

ربي يكتب لها اللي فيه خير
dianah840
dianah840 •
خليها تنخطب فترة وتحكي معاه وتشوف اذا ارتاحت اله كملت ما اراتاحت يا دار ما دخلك شر