السلام عليكم ...

خواتي العزيزات .. من عندها طريقه الخنفروش
خاصه بنات قطر والبحرين والكويت والامارات ....
ومادري هل هو معروف في السعوديه وعمان ...

اتمنى الي عندها الطريقه تكتبها لي ..
خاطري اسوي الخنفروش بدون مايشرب زيت ..





سبحان الله وبحمده ... سبحان الله العظيم
استغفر الله الذي لا اله الا هو الحي القيوم واتوب اليه






أختي انا بعطيج الطريقه

طحين رقم 2
هيل
زعفران
ماء ورد
خميره
وماي

تخلطينهم مع بعض وتخلينهم كم ساعه بعدين تسوينهم

وبس
مشكوره اختي العزيزه ..ولكن في طريقه ثانيه فيها سميد تطلع لذيذه
اتمنى الي عندها الطريقه تتفضل مشكوره وتذكرها لي
<<<< حامل وخاطرها فيه




سبحان الله وبحمده ... سبحان الله العظيم
استغفر الله الذي لا اله الا هو الحي القيوم واتوب اليه






غزيزتى 2كوب طحين الحمص ( النخى ) مع 2بيض مع فلفل حار واحد اواكثرمع بصل اخضرمع1 كوسة مبروشة مع بقدونس وشبت قليل و ملحوفلفل اسود وكمون شوى يخلط ويقلى بالزيت ( هذا الصنف مالح) وارجوا ان افيدك
طريقة : الخنفروش .

ملاحظة:
(المعيار بفنجان القهوه)

1- 2 فناجين طحين رقم( 2)+ 3 فناجين سميد....( وممكن كله يكون بالسميد لكن الخلطه بتكون غليظة)

2- 10 بيضات .( كل فنجان طحين له بيضتين)

3 - زعفران + هيل + نصف فنجان ماء ورد + نصف ملعقة خميره فوريه ( لان

بالاول كانوا جداتنا يبيتون العجينه لثاني يوم فلذلك تخمر بدون خميره)


4- 5 فناجين سكر ( واذا حابه تزين مومشكله حسب الذوق او حلاوة الخلطه)

5- اخلطي المقادير مع بعضها ما عدا الطحين , بعد ما تنخلط ضعي الطحين بالتريج وعجني .

6- اذا بتسوينها مثل اللقيمات فبتكون في زيت غزير اما اذا بتسوينها مثل الدائره o وتقطينها الى
اربا ع (مثل ما نقطع البيتزا) فهذي تجيبين مقلاه تيفال وتضعين فيها ملعقة طعام سمنة اصيل او كيو بي بي الاخضر وبس تسخن السمنه بالمغرفه اضع مغرفه وحده من الخليط وسويه مثل الخبزثم اقلبه على الوجه الثاني ثم اقطعه الى ارباع يعني 4مثلثات وامسكه بالملقط لاحمر الجوانب .


و ان شاء الله تكون هذي هي الطريقة اللى تبينها .

صحتين وعافيه مقدما.

وقــــــل ربــــي زدنـــــي علمـــــا

http://www.zzrz.com/mlion.htm


الساعة الآن 05:38 .