صباح الخير

ساعدوني ياالسنعات بالطبخ

تتذكرون لما قلتلكم زوجي بيسوي عزومه بعد اسبوعين وبيعزم 16 رجال اخرها لآخر الشهر بعد الرواتب

وقعد يتشرط بالأطباق يبغى الآتي

جريش

محشي

ايدام باميه

سمبوسه

سبرنغ رول

ورق عنب

3 انواع حلى

3 أنواع سلطه

المشكله لا شغاله تساعد ولا أخت ولاأهل زوج ماعندي أحد وأمي مريضه ماأدري كيف أجهز خصوصا إني

بالطبخ فاشلة

أخاف تخرب الأطباق وافشله قدام ضيوفه

طيب متى أسوي الجريش والمحشي والايدام معقول بنفس اليوم أحسه مره صعب

والسلطات اش أحط ومتى أسويها

السمبوسه والسبرنغ رول اش أحشاها ومتى أسويها وايش أفضل عجينه

أما الحلى ياحبي له أمره سهل

مررررره متضايقه وببكي وش أسوي وأنا لوحدي

علما إن كل هالأصناف بتكون مع مفطح من برى البيت
والله انا اشوف ورق العنب والمحشي مالها مكان مع المفطح-يعني ممكن نوع ايدام اخر خفيف مع البامية فرضا لو احد ماياكل الرز
ورق العنب عادي سويه قبلها ب4ايام وخليه يبرد تماما واحفظيه بعلبه بلاستيك بالثلاجة -اذا قصدك البارد
السمبوسك والسبرينق رول اعمليها قبلها ب3ايام وبالفريزر -وبيوم العزيمة نزليها الصباح بالثلاجة وعالمغرب برا الثلاجة وتقلى عالعشاء
الانواع انا استخدم الطازجة من الحلواني احلى بكثييير من المجمدة
الايدام ليلة العزيمة-وخليها تبرد تماااما ودخليها الثلاجة وثاني يوم خرجيها المغرب و تسخن قبل السفرة
السلطات -اعمليها الصباح والخل والملح والليمون قبل التقديم مباشرة
الا اذا اصناف تحتمل ملها قبل بيوم
الخضرة كالجرجير والخس والبقدونس الطماطم -الخيار -الليمون-غسليها قبل العزومة بيوم وجففيها -وتكون جاهزة للاستخدام
اذا تبغي اصناف سلطة حاظرين
ادوات السفرة من سفر وكاسات وملاعق وصحون وشوك وفناين قهوة وشاي كلها جهزيها قبلها بيوم -لانه ماعندك احد يساعدك وتوفرين على نفسك الوقت والجهد
وربي يساعدك ويعطيك العافية
وموفقة
شوفي حبيبتي سوي السمبوسه والسبيرينق رول وجمديه قبل بيومين مثلا والحلى قبل العزيمه بليله اعمليه اهم شي اكتبي بالضبط شنو تحتاجين من مقاضي في ورقه ورتبي افكارك زين قبلها بفتره وافضل لو تجلسين وتسوين شغلك بالصباح على رواق وان شاء الله بتتسهل
رفع
سبحان الله وبحمده سبحان الله العظيم
فتكه حبيبتي

ياليت والله تعطيني انواع سهلة ولذيذه ومضبوطه


الساعة الآن 09:49 .