السلام عليكم ورحمه الله
انا جالسه من اليوم اقرأ بمواضيعكم وجات في بالي فكره حلوة اللي هي كل وحدة تقول اكثر شي يعجبها بزوجها
انا ببدأ
اكثر شي يعجبني هو وقت ما نتزاعل احسه يلفت نظري
يعني احسه يبينا نتراضى بس يطنش وهو مطنش شكله احلى وبعد ما يجي من الصلاة يوقت جواله للدوام وياخذ له نومه مايبيني اصحيه واذا جاء من الدوام يجيب غدى معاه مايبيني اطبخ وانا قبل ماكنت ادري عنه كنت لاتزاعلنا اصحيه للدوام ويعصب ويخرج وهو معصب وكنت اسوي الغدى قبل لا يجي واتفاجئ انه جايب غدى ويكشمني ما ياكل معاي بس الحين صرت اعرف انه لاتزاعلنا لا اصحيه ولا اسوي غدى
وبعد لاصار هو اللي غلطان ما يعتذر بس يدق بالكلام لحد ما ارضى وبعد لو انا غلطانه واعتذرت وقلت اسفه ما يرضى يبيني اتحرش فيه بالكلام ويرضى وصح يوم نتزاعل ينام بغرفة النوم عادي انا اذكر مرة زعلني وقفلت الغرفة وبعدين يوم تصالحنا قالي اذا تزاعلنا ننام مع بعض عادي عشان ماتكبر الفجوة على قولته ويقول لو انا نمت بغرفة ثانية ممكن اجلس شهر ما كلمتك من بعدها انتبهت
وبس واكيد فيه صفات ثانية حلوة بس هذا اكثر شي يعجبني فيه
يلا قولو وش اكثر شي يعجبكم
تروني ما سويت غدى ولا بسوي لاننا متزاعلين وبقرا كل ردودكم لين يجي
يلزم عليك تسجيل الدخول أولًا لكتابة تعليق.
روابينا
•
هوايه اشياء به احبها ..طيب وكريم وجرئ والحمد لله
اللي يعجبني بزوجي انه اذا وعدني يوفي باالوعد0000واللي مايعجبني اذا تخاصمنا مستحيل يراضيني انا اللي اراضي نفسي
الصفحة الأخيرة