كل وحده تعرف زوجها وطبعه .. وتجتهد في إرضاء الله أولا ً عشان يرضى عليك زوجك .. ~

لا إله إلا الله ~

لاعادي
كل وحده تتعامل مع زوجها على حسب طبعه
الرجال يختلفووووون
يعني مو كل وحده جت ونصحت اخذتو على كلامها لان اللي نفع معاها يمكن ماينفع غيرها

خير الامور الوسط لا دلع زايد ولا تطنيش زايد
وكل وحده تسوي الشي اللي تحس انه ينفع مع زوجها اكثر
لان فيه رجال ما تحب الحرمه اللي دايم وراه وراه وناشبه فيه وتدلعه وتشوف خاطره بالعكس يكرهها
وفيه رجال ما تحب الحرمه المطنشه
وبيني وبينك الرجال هم اللي حيرونا ان دلعناهم شافوا نفسهم وقاموا يتغلون وان طنشناهم قالوا وش بلاك كذا
احسن شي تناظرين خاطره وتسوين له اللي يبي بالمعقول او لين طلب نفذي يعني فيه حريم من تشوف زوجها منسدح تجي تهمزه وتجهز ملابسه للحمام وتسوي فطوره من دون ما يطلب ومخليته كنه معاق في البيت كل شي هي اللي تسويه له ومع ذالك ما يحبها ولا هو بلمها والله انا اعرف وحده تسوي كذا وما لقت منه الا التطنيش

يعني سوي الشي المهم سوي له غداه تكشخي نظفي البيت واذا دق عادي ردي بس لا تدورينه انتي دايم وين رحت والا وين جيت خليه يروح يطلع من دون ما تخربين عليه طلعاته
بس خليه يشتاق للبيت باسلوبك
يعني خليك كاشخه
خلي البيت نظيف هيئي له جو حلو ومو شرط كل يوم حركات ورومنسيات يعني شي بالعقول
واذا طلب شي نفذي واذا ما طلب لا تسوين شي بنفسك عشان ما يحس انك تدورين رضاه ويمسخها

يعني في الاخير خير الامور الوسط يوم تطنيش ويوم دلع مو كل يوم تطنيش ولا كل يوم دلع او على حسب النفسيه
كانك مهتويه تدلعينه دلعيه وكانك ما اهتويتي طنشي خليه يشتاق للدلع

أذن احسن شي الوحده تتصرف بنياتها وبدون تمثيل ومن ثقه عاليه بالنفس

تبغين الصراحه من خلال تجربتي في الحياه

اكتشفت ان الرجال يحب المره الثقيله اللي ماتجري وراه

اوكيه دلعيه بس مو كل اشوي

حسسيه انك بتعشين من غيره

استمتعي بهوايتك لاتحرمين نفسك من شيء الرجال يحب المره اللي ماتتنازل عن حقوقها

وكوني انانيه >>> يعني اطلبي اللي نفسك فيه بس من دون تبذير

اعرف بعض الحريم كله ماتبغى شيء واذا جاتها مناسبه وطلبت تشتري يقول لها مو لازم لانه تعود انها ماتطلبه


والله كلام كثير بس هذا اللي يحضرني