السلام عليكم ورحمه الله وبركاته
مساء الخير يااحلى صبايا
كيفكم ان شاء الله منيحين
صبايا انا محتاجه لمساعده صغيره وادرى ماراح تقصرون
بنات انا عندي مبلغ صغير وقدره عشره الاف
ودي استغلها دام جتني فرصه فيها واستثمرها زين
الي ابيه منكم وان شاء الله ماتبخلون علي
تشورون علي وش اسوي بها
والي تقدر تساعدني الله يرزقها من حيث لاتحتسب
لان اموري الماديه مره مترديه عن اول بكثير ودي ازيد دخلي ولااحتاج لااحد
ابي وحده تمسكني مع يدي وتبدا معاي وتعلمني تكفون مالي الا الله ثم انتم ياخواتي
انا ي بنات ابي بضاعه او شي يسوى عليه العلم مو زي محلات ابو ريالين اذا احد يقدر يوفر ويجيب لي اشياء مميزه وحلوه
مثل تقولي من وين اجيب هذي الاغراض الي يجيبونها فيها الحريم
بالعربي ابي من اكسسورات تقليد ماركات جوده
اوتي شيرتات ذووق او شنط تقليد ماركات جوده
او اشياء ماتخطر على بالي انتم ادرى بها اشياء مطلوبه للبنات الذووق
وابي ابدا اشوي اشوي عشان اعرف وشو الي راح يمشي بين البنات ابي تشكيله من اكسسوار وتي شرتات وشنط بس تكون جوده عشان مااتفشل في البضاعه من ناحيه جودتها
والي بتساعدني الله يجزها الجنه وربي يعطيها الصحه والعافيه ويرزقها بالي تتمنى
وشوكرا مقدما

حبيبتي اولا الله يرزقك من فضله
ثانيا الاكسسوارات بتلقينها في المرقب
والعطور وعندك السويلم
هذا بالنسبه للرياض هذا حسب علمي
وباذن الله البنات يفيدونك
وعليكم السلام ورحمة الله وبركاته

مجنونة احساس
ما أدري ليش اخترتي هالإسم ؟
الله يجعلك .. متدفقة الإحساس بالإيمان والطاعات يإذن الله

،

أولاً / قال الله تعالى : ولئن شكرتم لأزيدنكم
أشكري الله على ما رزقك إياه
فالشكر حارس النعم
أسجدي سجدة الشكر لله عز وجل على ما وهبك من فضله وواسع رزقه

ثانياً / تصدقي ولو بالجزء اليسير منه
لأن الصدقة تــُـنمِّي المال وتبارك فيه

ثالثاً / إدخري جزء من المال
لا تدخلين بالمبلغ كله في التجارة
ما أحد يضمن العواقب
بعض الأخوات يخطؤؤن خطأ فادح حين يدفعون كامل المبلغ للتجارة به
لا قدر الله لو ما نجح المشروع وقتها تحط يد على يد

رابعاً / التميز هو أفضل مشروع
شوفي احتياج اللي حولك من معارفك وأهلك
ووفري لهم ما يحتاجونه

ابتعدي عن الرخيص والمبتذل اللي ما له سوق

فكري في البضاعة ذات الجودة العالية
اللي تجبر بالفعل الزبونة على شرائها

خلي شغلك موسمي
بحسب المواسم
يعني الآن فترة حفلات تخرج .. وفري توزيعات حفلات تخرج
بعد كذا حيجي موسم هدايا النجاح .. إشتري مجموعة هدايا ونسقيها بطريقة فنية

المهم .. في كل مرة جربي نفسك في مجال
إلين بإذن الله ما توقفين على رجولك
وتقدرين تعرفين وتميزين نوع النشاط اللي ارتحتي فيه
واللي أدخل عليك ربح وافر
وبعدها تقدرين تتفاعلين معاه أكثر

الله يوفقك يارب
عزيزتي /
عندكـ مجال العطووووووووووو ور , والله لا لها موسم ولا لها وقت
والله ما تكلفك 1000 ,
وغير كذا لما تبيعيها تطلعي الدبل , الدبل
يشهد علي الله هاذي شغلتي ,, وربي لك الحمد
انزلها في نكتار وربي شاهد على كلامي << متعامله مع محل زوجي
حاطه لي ركن خاص فيني , وكله زيوت عطريه , وزيوت فواحات
والله ماشيه على كيف كيفك ,
بدايه رجعت لي فلوسي دبل إلا شيء بسيط مايذكر

والحمدلله التجربه الثانيه , والثالثه , وصلنا العاشره << والحمدلله والشكر لك يارب

وغير كذا عندك مشروووووووووع غاز الهليوم <<< تبع البالونات
روووووووووووووو وعه وفيه ذهب , اذا حصلتي اللي يخاف الله ويحفظ فلوسكـ

اعذريني طولت عليكـ ,, لكن ذكرتيني في بداية تجارتي
كنت خايف ومتردده , لكن الحمد لله دخلت بـ 1000 , وطلعت بخير فضيل

تحيتي لكـ , واللي تريد غاز الهليوم تراسلني يالغوالي


محتاجه وظيفة مسوقه , او مندوبه بالرياض ,,, انا في الخدمه
الله يوفقك

اذا ماشفتي نتيجه من منتجاتي فلوسك ترجعلك

قهوة الدوره والنفاس لرحم نظيف وصحي علبه كبيره 150

كريم كولاجين لصفاء ونظارة البشرة 500 ملي ب80 ريال

حمام زيت للشعر الجاف والتالف والمصبوغ بـ70 ريال 1000 ملي

مقشر الحرير لبشره كالاطفال نعومه وتوحيد لون 500 ملي بـ50 ريال
1000 ملي بـ100 ريال

زيت لتساقط الشعر وملئ الفراغات 300ملي بـ 100 ريال

بهارات مميزه للصواني والكبسات والمحاشي الكيلو ب30 ريال



يوجد خدمة الوتس اب

0500033733 نساء فقط ما احلل اي رجال يتواصل على هالرقم. حسابي انستقرام 5atawyshop


الساعة الآن 12:01 .