Analysis Services
السلام عليكم
كيفكم ياحلوين اولا باركولي ان شاء الله اتخرج من الجامعه
وثانيا ابي منكم افكار لحفلة تخرجي بسويها في بيتي طبعا زوجي بيسوي كل شئ بس لازم يكون في تنسيق مني المهم انا فكرت اسويها عصريه لين المغرب (عاداتنا كذا ) بغيت اسويها بعد العشاء بس بتكلفني كثير لازم احط عشا وانا ابيها بسيطه وفي نفس الوقت حلوه
اش نوع الاطباق اللي اسويها ماعننا شئ جاز حلو واخواتي وبنات عمي مابيقصرون بصواني الحلى بس انا قلت ابسوي بوفيه صغيره يعني 3امتار واحط 3صحون من كل نوع (سمبوسه لحم ودجاج وجبن وورق عنب ومعجنات مشكله وافخاذ دجاج غير الحلى غير التورته ولان اللي بيحضرون فوق يمكن عشرين وحده وبأحطها بصحون اللي شكلها بيضاويه في السوبر ماركت وكأنها قصدير معليش والله مااعرف ولاقد سويت في بيتي بوفيه بس ممكن تنفع واحس الاكل فيه شئ ناقص قولولي بالله ياذوق انتم وكمان كيف اسوي بالقهوه لاني باحط بوفيه و3طاولات بأزينها وكل طاوله فيها 5كراسي مدري مدري كيف اسوي فكرت في فكره بس اختي ماحبتها قلت كل طاوله عليها ثلاجة قهوه وشاي وفي كل طاوله شمعه وعليها ورق مكتوب في كلام مثل الصوره اللي بنزلها الحين وفكرت احط مثل هالدبدوب في النص على طاولة البوفيه او عند الحلى وعليه كاب التخرج مثل هذي وورقه في يد هههه
وهذي عند الباب تبع البوفيه



هذي اللي اقول لكم على كل طاوله شمعه


ونفافيخ بيج واحمر لان بيتي كذا الوانه
ابغى افكاركم ماعند ي غيركم لاتنسوني والله لادعي لكم
وعلى فكر ه حفلتي اغلبها حريم كبار عماتي وخالاتي وثنتين من صاحباتي
12-06-1432 هـ, 09:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب سويي كب كيك نوعين


مثلا هذه الوصفات لوحده الله يذكرها بالخير في احد المنتديات






كب كيك التـوت و الليمـون

ماعندي كلام ممكن يوصف هالكيك
طعم خراااااااااااااافي ينسيك اللي حولك ،، تحسين انك تاكلين كيك بحلاو
مع انه مالي فتره ماخذه طريقته بس سويته كثيييييير وينطلب مني دائما ،،
وسهل ويضبط من اول مره
اصلا يكفي لونه البيبي بينك مره جنااااااان احسه يصلح لحفلة بنوته صغيره

المقدار يكفي 18 حبة تقريبا ...

المقـاديـر بالاكواب المعياريه ::
علبة جيلي توت -روزبيري- مذوبه بكوب ماء مغلي / ممكن تستبديلين جيلي التوت بجيلي الكرز كلهم نفس الشي
نصف كوب عصير ليمون جاهز او انتي تصلحينه بانك تعصرين ليمونه وتزيدينها مويه وسكر لحد مايضبط معك الطعم بس لا تخلينه حالي مره اطعم
علبة خليط كيك بيتي كروكر ابيض او بالفانيلا
3 بياض بيض
ربع كوب ماء
ثلث كوب زيت

الطـريقـه ::
لبسي صينية الكب كيك بورق البليسيه وسخني الفرن على 325 ...

باستخدام العجانه او الخلاط اليدوي اخلطي : خليط الكيك + بياض البيض + ربع كوب ماء + ثلث كوب زيت
+ ربع كوب من عصير الليمون + ربع كوب من الجيلي المذوب - بس انتبهي لايكون حار مره يخرب الكيك
اخلطيهم اول شي مدة دقيقتين على سرعه بطيئه بعدين دقيقتين سرعه متوسطه ...

صبي الخليط بصينية الكب كيك - اكثر من النصف بشوي -




وحطيهم بالفرن بتاخذ تقريبا نصف ساعه
بقولكم على شي : ترى لما تصير بالفرن بتلاحظين انها بتتحول لدونات
بترتفع الاطراف واللي في الوسط ينزل مره
لايضيق صدرك وتحسبين الكيك خرب ، ماراح يأثر لا عالطعم ولا عالشكل لان الكريمه بتغطيه
ولا تحمرينه من فوق مايحتاج يكفي تشوفين الاطراف تغير لونها ،،

اول ماتطلع وهي حاره خرميها بالشوكه
اخلطي باقي عصير الليمون مع باقي الجيلي - بس خوذي منه نصف فنجال شاي على جنب -
وشربي الكيك بهالخلطه - وخليك كريمه كلما كثرتي كلما صار احلى بكثيييييييير _
ودخليهم الثلاجه يبردون ،،




كـريمـة التغطيـة :
قشطة خفق اخفقيها حتى تثقل - ترى ما بتاخذ وقت انتبهي لها ولا بنفصل الحليب اللي بقشطه الخفق-
لما توصل القوام المضبوط حطي عليها شوي سكر بودره - ماله مقياس محدد انتي ورغبتك -
وباقي الجيلي اللي خليتيه على جنب ،،
وقلبيهم بشويش حتى ماتروح نفشة الكريمه
وبالقمع شكليه فوق الكب كيك وقدميه بالطريقه اللي تحبين





وهذي صور لمرات مختلفه كنت مصلحته فيهم <== ادمنته بقوووووووه



بس لما شربتها بالليمون خرب طعم الكب كيك خلى فيه شوي حموضه

كب كيك الـجـزر


ماتتخيلون طعمه كيف طرررررررري ولذيييييييييذ والفروستينغ اللي فوق قااااااااااااتل
اول مره صلحته كنت باخذه لعزيمه عند خالة ابوي <== متهوره
ومن زود الثقه مافكرت اذوقه قبل لا نطلع لاني كنت مره مستعجله وتأخرت فيالله زينته وطلعنا
وكنت متخوفه من النتيجه قلت الله يستر لا يفشلني
وقررت انه احطها باختي ان ما اعجبهم الطعم بقول هي اللي مصلحته
بس الحمد لله حقق هالكيك نجاح باهر الكل اعجبهم مررررره واخذوا طريقته وماصدقوا انه بالجزر
حتى امي اللي مايطف لها شي اعجبها <== هذا انجاز كبيييييير بالنسبه لي



المقـاديـر بالاكواب المعياريه ::
علبة خليط كيك بيتي كروكر اصفر
ثلثين كوب ماء
نصف اصبع زبده لينه
نصف ملعقة شاي قرفه
رشة جوزة طيب <== ممكن تستغنين عنها
2 ملعقة شاي فانيليا
3 بيضات
كوب جزر مبشور
ربع كوب مكسرات مجروشه - لوز او عين الجمل او كاجو -


الطـريقـه ::
لبسي قوالب الكب كيك بالورق و سخني الفرن على درجة حرارة 350

بالعجانه او الخلاط اليدوي اخلطي خليط الكيك + الماء + الزبده + القرفه والجوز والفانيليا + البيض
اول دقيقه على سرعه بطيئه بعدين دقيقتين سرعه متوسطه
بعدين اضيفي لهم الجزر والمكسرات وقلبي بالملعقه
صبي الخليط بقوالب الكب كيك




ودخليه الفرن بياخذ تقريبا نصف ساعه
طلعيه وغطيه بفوطه واتركيه يبرد براحته ...





الفـروستينـق ::
علبة جبن فيلادلفيا 200 جرام
ملعقتين كبار زبده لينه
شوي فانيليا
3 ملاعق كبار حليب سائل
اخلطيهم بالخلاط اليدوي زين بعدين بالتدريج اضيفي لهم كوبين سكر بودره
وعلى فكره من الافضل انه تستخدمين السكر البودره الجاهز لانه يجي ناعم مره مو مثل المطحون بالبيت مهما نخلتيه ماينعم مره
واخلطيهم زين واذا حسيتي انه يحتاج زيادة حليب زيدي
وشكليه فوق الكب كيك بالطريقه اللي ترغبين
وبالعااااااااااافيه








اللي بالصور مصلحتهم بسكر البيت فطلع فيه شوي قرمشه ماذاب مره
طعمه لذيذ بس مو زي السكر الجاهز

انا غيرت في الوصفه وما حطيت الجزر المكسرات جوزة الطيب والكيك فيها الثنتين استخدمت كيك العلالي

حلو متماسك وما يتفتت




وفوندو شكولاته

وهذه صورته وصورة الكب كيك اللي بالقرفه





5 جالكسي يذوب في حمام مائي وبعد ما تذوب نضيف علبه نوتيلا الوسط وتحرك جيدا ونحطها بالقوالب

وانتبهي تحطين قشطه خفق تخليها تنشف وتصير زي العجينه


وحطيت بالصحن ساريتا كيك - كيوي - اناناس - ويفر - مارشميلو

بس انتبهي لاتطول الشمعه مولعه عشان لاتحترق الشكولاته
13-06-1432 هـ, 09:55 صباحاً
 
طيب يا اختي انت مو كنتي فاتحة موضوع تاني نفس هذا الموضوع ؟!
وكان في نقاش فيه وردوا الاخوات عليك واليوم ادخلت فيه مشاركة
يعني ليش ما رجعتي لنفس الموضوع الاول ؟!
13-06-1432 هـ, 10:09 صباحاً
 


الساعة الآن 09:33 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏