السلام عليكم ورحمه الله وبركاته
انا عضوه جديده حبيت اسجل عشان اطرح لكم مشكلتي من 6 سنوات:44: بعد ماشفت مواضيع هنا بالقسم
السالفه انا تزوجت من 14 سنه والحمدالله مبسوطه مع زوجي ومرتاحين مرت خمس سنوات وحنا عال العال
اسمع واقراء عن خيانه االازواج بس عمري ماشكيت فيه لو 1 %
وكان عادي اخذ جواله اقراء مسجات خوياه والطش اللي يعجبني طبعا بعلمه مو من وراه وهو الحمدالله خايف ربه
ويصلي ويصوم تطوع مايحب الاغاني
وانا اتصفح طاحت عيني على مسج رومنسي قوي وسائط تنحت الرساله تشكك مستحيل من رجال
طنشت وتعوذت من الشيطان وبديت اكمل ولقيت مسج من نفس الرقم مرسل رقم حساب قلت ممكن واحد من
خوياه...عطيته جواله قال هاه ان شاء الله عجبك شي قلت رساله فلان روووعه قال منهو قلت فلان هو تنح وتغيير
وجهه قلت شفيك قال موجوده الرساله قلت ايه ورساله ثانيه رقم حساب حسيت انه تمنى الارض وتبلعه وقتها
السالفه فيها انا؟؟؟
بينت له اني مصدقه انه من خوياه جاء بالليل ماقدرت انام اخذت جواله ودقيت على الرقم وردت مره انا انهرت قلت
وش جايب رقمك لزوجي قالت مين زوجك انا معرفه قلت صاحب هالرقم ياحلوه لا ومرسله رقم حسابك قالت ليش
اشحذ قلت اسئلي نفسك قلت حسبي الله فيك وقفلت ؟ كان بكرى خميس صحى وقلتله قال يمكن زوجه خويي
قلت كثر منه ليش انا ارد على خوياك؟؟ تلعثم قال مدري طلع
دقيت على صديقتي ابوها شغال في الاتصالات قلت تكفين ابي هالرقم من وين ومن بسمه قالت ابشري
جاء السبت الا تكلمني قالت بسم فلان من المنطقه الشرقيه تنحت انا يعني حولي لاني بالخبر ساكنه
ارسلت لها رساله قلت اسمعي ان ما ابعدتي عن زوجي والله لشهر في الاسم والرقم وقلت لها الاسم
دقت قالت ليش الفضايح ومدري ايش قلت قولي الصراحه شجاب رقم زوجي لك قالت مدري اختي مراهقه
وجوالي دايم معاها وانا متزوجه؟؟ قلت دامك تعرفين ان اختك مراهقه ليش تعطينها الجوال المهم انتهت
السالفه على انها تبتعد..وزوجي ماقلت له اي شي بعد ماقال يمكن زوجه خويي؟؟
والحمدالله انا ملاحظت زوجي متغير ابد معاي .راحت السنين ومرت حوالي 5 سنوات ونص واستغرب تجي زوجي
مسجات فاضيه او استفهامات من رقم مو غريب علي ابد
اخذته ودقيت الا صوت المره نفسها قلت واثاريني كل هالسنين بغفله...قالت انا معرف زوجك ومنو هو وكم رقم
لاني دقيت من ثابت ومابين لها انها اللي قبل 5 سنوات وادق حوالي 10 مرات وتعطي مشغول دقيت اخر مره رد
رجال الا هي عنده وحاطه سبكير قلت هذا من رقمه قال رقم زوجتي والغريب صوته ولهجته سودااااااني
قلت متكئد قال ايه وش فيه قلت لقيت برقم زوجي مسجات من هالرقم قال متكئده قلت مليون بالميه واسمع
صوتها تقول حسبي الله عليك انا يوم ازعجتيني حولت المكالمه على زوجي؟؟؟؟ حولتي وانتي جنبه وشلوون
تجي.. حسيت بالذنب قلت يمكن صادقه سكرت وبعد نص ساعه دق الثابت وارد الا هي تقول الله يسامحك زوجي طلقني ارتحتي؟؟؟
غريبه داقه وتتسامحين حسيت انها تكذب بس ماتبيني اتحسب عليها ... مره الايام ولقيت مسج كلمتها
قالت مدري انا موظفه وجوالي دايم عند خوياتي يمكن احد مستخدمه؟؟ قلت طيب قبل قلتي مع اختي وبعدين
خوياتك ارسي على كذبه وحده..ومرت ايام والقى مسج قالت انا شغاله مكتب عقار مع اخوي ونرسل للزباين كل
شي جديد ..لاني الاقي الرساله ممسوحه بس بالسجل اشوفها .قلت طيب واخوك ليه مايكلم هو الرجال وانتي
الحريم والا اخوك ماعنده غيره مسويك دعايه عشان تجذبين التجار...قلت هذا الرقم والصوت تذكرين يوم تقولين
زوجي طلقني ومدري ايش..قالت اخوي توه شاري الرقم من شهر؟؟؟؟
قلت ياكثر كذابتك لاكن بطلع الرقم من بسمه ولاتلومي الا نفسك طلع نفس اللي قبل ست سنوات الرقم والاسم
وقلتها قبل قلت بشهر وقلتي خلاص والحين لو اشوف دموعك دم ماراح ارحمك ارسلت لها ابعدي عنه للمره الاخيره لا اشهر بالرقم والاسم قالت ليش الرقم مراح يوصلك لي ياحلوه
قلت مثل ماجبت الرقم من بسمه بطلع احد ارقام اخوانك وبلطع برنت عن اتصلاتك ومسجاتك لزوجي ومكالمات صوتيه وساعتها انكري؟؟
ما ردت ابد ..وانا بصراحه من القهر نشرت الرقم على اللي اعرف وبكل مكان قلت بزعجها الحقيره
وما ادري اللي سويته صح والا لا ؟؟؟ لاني انقهرت كذا مره تكذب علي وهي ترسل لزوجي
صح ان اللوم الاول والاخير علييه لاكن هي حقيره رجال ومتزوج خلاص اتركيه
للعلم انه ماتغير علي ابد وعمره ماغاب عن البيت بس شكلهم خوياه بالدوام,,,هم عائله كبيره فخذ يعني بس مدري
عادي احط الاسم اقصد الفخذ مو العايله ابي اللي تعرفهم تراسلني خاص لاني عندي الاسم والرقم
وربي اني مقهووووره الله ياخذهاااااااااااا ويسلط عليها يارب هي واللي زيها
لاكن ماقول الا حسبي الله عليها هي وشكالها
للعلم انا جديده لي 3 مشاركات باليوم باقي 2 ما ابي دعواي وشتايم ان مارديت عليكم
ست عطيات 33 @st_aatyat_33
عضوة جديدة
يلزم عليك تسجيل الدخول أولًا لكتابة تعليق.
حبيبتي يمكن تكون مو هي بمكن عندها بنات مراهقات وياخذون جوال اومهم او وحده من قرايبها ماتبيه يعرف رقمها ولزقتها فيها اشك انها تكون مظلوومهحبيبتي يمكن تكون مو هي بمكن عندها بنات مراهقات وياخذون جوال اومهم او وحده من قرايبها ماتبيه يعرف...
لااا انا متئكده مليون بالميه انا هي واعرف صوتها واكبر دليل كذباتها تنسى وش تقول لي قبل وتكذب غيرها
ولو عندها مراهقات تقدر ياقلبي تغير الرقم وتراقبهم مو تخليهم على راحتهم,,
انا متكئده مليون بالميه انها هي ماظلمتهااااااا ابد
ولو عندها مراهقات تقدر ياقلبي تغير الرقم وتراقبهم مو تخليهم على راحتهم,,
انا متكئده مليون بالميه انها هي ماظلمتهااااااا ابد
طيب انتي خليتي حرتك كلها في بنت الناس وهي شكل ماعندها احساس اللي مافهمت من اول مره لا وبعد كل هالسنين وش هالعلاقه القويه خلاص حبيبتي خليك منها واتفاهمي مع زوجك ناقشيه بكل صراحه واعتقد بعد كل هالمسجات ماراح ينكر
الصفحة الأخيرة
ماتبيه يعرف رقمها ولزقتها فيها اشك انها تكون مظلوومه