السلام عليكم ورحمة الله وبركاته
اسعد الله او قاتكم بكل خير ومحبه
وادام الله على اطفالي واطفالكم
نعمة حنان الأمومه
عسى الله لايحرم كل طفل من امه ولايحرم كل ام من طفلها
وعسى الله يرزق كل محرومه
بالذريه الصالحه
راح اقولكم في موضوعي سر
عنايتي بأطفالي من راسهم
لأطراف رجليهم
اول شي راح اتكلم عنه
**الأستحمام **
قبل الأستحمام بساعتين استخدم
خلطة الأخت دلع وسنع
الله يجزاها خير ويخلي لها عيالها
تعطي نظاره وتفتيح وعلى قولتها
بشرتهم تصير تبرررررق من النظافه
وهذا رابط موضوعها للي تبغاه
http://forum.hawaaworld.com/showthread.php?t=2121872
طبعا اكون مجهز فوط استحمام
تغييره لكل واحد منهم
اعواد اذان
مقص اظافر
http://www.*****.cc/forum/imgcache/47545.png
الأدوات اللي استخدمها في الأستحمام
مجموعة جونسون
من شامبو +سائل الأستحمام +جل +كولونيا +اسفنجه
الكبار احممهم تحت الدش على طول
اما بسوم في بانيو صغيرون على قده
اول شي اغسل شعورهم وبعدين اجسامهم
عشان ماينزل الوسخ اللي في الشعر على الجسم بعد تنظيفه
اغسل شعورهم بالشامبو واجسامهم بسائل الأستحمام
وجسمهم رطب ادهنهم بالجل وامسح علي جسمهم بالكولونيا
وخصوصا الاماكن اللي تعرق كثير
مثل الرقبه والأبط
وبعدين الفهم بالفوطه والبسهم ملابسهم
واقصص اظافر يديهم ورجولهم اذاكانو طوال ويكون ذلك بشكل اسبوعي
وانظف اذانيهم بااعواد الأذان وماخلف الأذن امسحه بقطنه صغيره
اعطر ملابسهم بعطر مخصص للأطفال
وامشط شعورهم
هذي عنايتي العامه بأطفالي
اما عنايتي ببنتي خاصه
شعرها كل اسبوع احط عليه زيت
وكل شهر احنيه
وكل شهر اقص من اطرافه
واعلمها كيف تهتم بالمنطقه الحساسه وكيف تنظفها
الولد الكبير كل شهر يروح للحلاق ويحلق شعره
اما الصغير مستحيل يطب الحلاق يسوي مناحه
فأضطر انا اقصص اطرافه مره يضبط ومره يصير مشرم خخخخخ
وبس هذي اختصار لعنايتي بأطفالي
طبعا باقي اكلهم وشربهم ونومهم
بس تعبت والوقت عندي ضيق
اتمنى تستفيدون من طريقتي وتعجبكم يالغاليات
لكم كل الود والتقدير
محبتكم
بسكوت فارليز
مميزة دائما
دمت لنا