اممم الحمد لله على كل حال والله يرزقنا بما نتمنى .. انا عني بحثت وبحثت وبحثثثثثت لحد مالقيت ريسبي اجنبي للكيك وسرت اتاجر فيه على شكل كب كيك باشكال مختلفه وطعمممه مره رائع ويذوب في الفم يمممي وبكل امانه ريحته مثل العافيه .. والحمد لله شغل ماشي الله يرزق الجميع .. موفقين الكل
15-06-1432 هـ, 06:17 مساءً
 
انا عن نفسي متخرجة من الثانوي واحذت دورة حاسب 6شهور واخذت دورتين مكياج ولااستفدت كل همهم الفلوس كان نفسي اتطور في المكياج واشتغل بس حسافة مالقيت وحدة عنده ضمير تساعدني وتتنمى موهبتي واشتغل في مشغل او لنفسي ونفسي حتى لواسافر لااهلي اشتغل عندهم في الاجازات بس ربي كريم والمشكلة نفسي اشتغل اي شغلى او مندوبة بس مااعرف احد في الرياض الاثنتين وزوجي خخخخخخ يعني ابيع على مين الله يفرجها وياليت اللي تقدر تساعدني ترسلي اوترد في الموضوع كيف ابداء ولوبشيء قليل حتى اصير ممتازة في المكياج الله يساعد من تساعدني دنيا واخرة لكم خالص ودي واحترامي والله يحقق لك ياصاحبة الموضوع كل خير
15-06-1432 هـ, 10:55 مساءً
 
والله بصراحة الصراع هذا مع الذات جلست اعاني منة فترة احس اني مو راضية عن نفسي في شي في ذاتي ناقصني .
وبدأت رحلة البحث عن اي مشروع بسيط ممكن منة ابدأ في تحقيق ذاتي
وبعد السؤال ودعاء الله والطلب منة في تيسير الامور حصلت وحدة تأجرلي ركن في مشغل ابيع فية بعض الاكسسوارات والمكياج
والحمد للة

صحيح لسى ماجنينا ارباح بس اهم شي اني حطيت رجلي والله يوفق ويرزق الانسان من حيث لايحتسب

والله يابنات حواء الغاليات ان اللي يحط في راسة شي انة يحصلة بإذن الله لأن في قوة جذب بين الشخص وبين مايتوقعه وما يفكر فيه

وصدق الله في الحديث القدسي (انا عند ظن عبدي بي )
16-06-1432 هـ, 12:31 صباحاً
 
الله يسعدكم ويوفقكم ..

بصراحة اذهلتني الردود الي ترد الروح ..
بصراحة هذا أكبر دليل على إن كل واحد عنده قدرة على صناعة نفسة بس يحسن التوكل على الله ولا يعجز متحري الحلال وباعد عن الحرام ..
الاخوات الي كانو يدورون على افكار للتجميل لله الحمد والمنه المجال فيه واسع جدا بس الفكرة كيف تبدين ايش المميز؟! والا مافي اكثر من المشاغل إذا حابة ممكن أوفرلك خدمة اسوقها الان في الشرقية ومرغوبة للمشاغل إذا حابة التفاصيل على الخاص
ووبخصوص الأخت الي تكلمت عن موضوع محل السلطات مرررة روعة الفكرة يلا ابتدي ايش منتظرة ادرسي الموضوع وان شالله اكون لك خير عون ان شالله بس اعزمي لا تخنقي الفكرة في راسك ..


كل الشكر لكم ويالا شدو حيلكم ..في أمان الله
16-06-1432 هـ, 01:04 صباحاً
 
موضوع اكثر من رائع
انا تقدرون تقولون عني حقل تجارب احب اتعلم واستفيد من كل شيء يمر علي واهم شيء يكون من اهتماماتي الي انااحبها
تعلمت رسم الحناء ومارست الشغلة واشتغلت في بيع العطور والعاب الاطفال والملابس بس كانت الالعاب والملابس موفكرتي فمااستمريت فيها لاني احب شغلة العطور والبخور والحركات هذي استمريت على بيع العطور وتعلمت طريفة عملها في البيت وبعد فترة اشتركت في شركة تجميل كمندوبة ثم رجعت لبيع عطورات الشنطة ودهن العود واعمل لوشنات ومخمريات والحمدلله على كل شيء
16-06-1432 هـ, 05:56 صباحاً
 


الساعة الآن 03:33 .