ازا جميع ما زكرتيه اعلاه مزبوط معناته كمية الخليط كثيرة على القالب الي بتشوي فيه

يعني الصينية صغيرة


رَبـي . . لا تَكسَر لي قلباً . . لا تصَعب عليّ أمَر . . احَفظ لي عائلتَي أحَبتي . . مَن أرادَ الخَيـر بـي . . يآرب آجعلني ممن تفآئل بخير . . فأگرمت? ، و توگل عليگ فگفيت? . . يــآرب

اتوقع من الخلط
لاتخلطيها في الخلاط الكاس
افضل شي بالمضرب الكهربائي
حبيبتي انا كنت كذا قربت انجن لحد مالقيت هذي الطريقة وإن شاء الله تزبط معاك
في الخلاط ثلاث ارباع الكاس سكر وثلاث ارباع الكاس زيت وثلاث ارباع الكاس ماء واربع ملاعق حليب وبيضتين وشوي فانليا تخلطينها كويس وبعدين حطيها على كاس دقيق وملعقة كبيره بكنج وبالمظرب اليدوي اخلطيها بس يكون الخلط في اتجاه واحد وبعدين حطيها في الباريكس الكبيره إلي تجيك طقم ثلاث حبات مع بعض مدهونه بشوي زيت ودخليها الفرن ويكون مشغل من قبل ولاتفتحي على الفرن لحد ماتبدي تشمي ريحتها تقريبا ربع ساعه وبعدين حمريها من فوق وبالعافيه
مثل ماقالو البنات ياان الخليط كثير ع الصينيه او انك ماتغطين من فوق
اذا استوى من تحت ولعي النار اللي فوق وغطيه بغطاء قدر تقريبا 5 او 10 دقايق واحيانا اكثر لين تحسين ان الخليط تماسك شيلي الغطاء وخليه يتحمر وخلاص انا نفس مشكلتك ولازم اغطي الكيك من فوق قبل يتحمر
مررررررحبا خيتووو

ليتني قريت موضوعك قبل لا ناكل الكيكه لاني اليوم سويت كيكه لامي الله يخليها لي
ودايم هالكيكه اسويها لها ولا يملون منها

المهم

حبيبتي
قاااعده اساسيــــه عندي لما اسوي الكيك لازم قبل لا ابدا فيها اولع على الفرن
وعقب أبدا ازينها
لان استغرب بعض الناس يولعون عليها بعد مايدخلون الصينيه الفرن وهالشي غلط .
ومو شرط مضرب كهربائي انا استخدمه واستخدم المضرب اليدوي كله عندي نفس الشي
بس اذا بتضربينها بيدك طولي شوي الين تحسينها مو متكلته

المره الجايه اذا سويت كيكه بنزلها هنا لعيونك وبالصور بعد
بس بعطيك طريقتي وقولي لي كيف تصير معك .

3 بيضات
كوب سكر
ثلث كوب زيت او زبده سايحه
ملعقه صغيره فانيلا
كوب لبن
ملعقه بكنج بودر
كوب ونص دقيق

وجربيها وصدقيني بتدعين لي
والله جنان هالكيكه وغير كذا يجي لونها ابيض ويفتح النفس .
باذن الله المره الجايه بزينها لعيونك هنا .

اول شي حطي البيض والسكر واضربيها
ثم حطي عليها الزيت والفانيلا واضربيييييها
ثم حطي كوب اللبن عليها واضررربيها
وبالتدريج حطي عليها باقي المقادير
وفكل مره اضربي اضربي الين تحسين انها مو متكلته
وحطيها على صينيه مدهونه بزيت او سمنه على راحتك
ودخليها الفرن وانتي متاكده انه صار ساااخن
انا بالفرن الي عندنا احط الحراره على 150 ْ

ولما تدخلينها احذذذذري تفتحين عليها بأول ربع ساعه ولو تخلينا ثلث ساعه افضل بعد .
لانك لما بتفتحين عليها بدري بتشوفينا صارت منفوخه بس من داخل بعدها عجين
وبيدخلها الهوا وبمجرد ما تسكرين عليها بتنفش من داخل وبتصير عجين ومن برا بتتحمر لك
ويتبين لك انها خلصت , وهي ماخلصت اصلا .

عقبال ماتسوين كيكه وتضبط معك .. وبشرينا اذا ضبطت معك ^_^
بالتوفيق خيتوو



الساعة الآن 10:21 .