الله يوسع برزقكم يامتزوجات كل وحده تحط نفسها مكاني وتجاوبني

السلام عليكم ورحمة الله ويركاته .. لازم اعطيكم نبذة عن حياتي عشان تعرفون تردون علي .. انا موظفه وعندي 3 اطفال تحت بعض كلهم صغاراخليهم عند الشغاله بوقت دوامي لاني في ديره بعيده عن اهلي واهل زوجي وكنت كل اسبوعين او ثلاثه اروح لحمولتي واسكن بغرفه عندهم من الاربعا للجمعه طبعا ماعندهم شغاله وكنت اذا رحت عندهم تكون شغالتي لهم ماشوفها ابد تكرف لهم من الفجر لليل لان بيتهم كبير وكانت تتاذئ طبعا وانا كنت اقولها معليش اشتغلي لهمم هذا سوئ سوس انا وكانت متذمره بس تسكت او تبكي لان شغلهم كثير عكسي بشقه صغيره تعودت علئ الراحه عندي وماتقوم الا تسع اما عندهم من الفجر وانا بوقت اجازتي المفروض ارتاح بالنوم مو كالعادة اصحئ من الفجرلكن اذا رحت لهم وربي اكرف من الفجر علئ عيالي والبس هذا واغير هذا وحاله وربي مارتاح ولا نام اذا نام هذا صحئ هذا وكنت اتحمل عشان زوجي يستانس وفوق التعب الجسدي تعب نفسي خالتي ماتقصر من الذب ماترتاح الا لما طلعني مو سنعه وحالتي حاله مع اني اسنع من بناتها مليون مره تخيلواهي تصب لهن وتشتغل واهن جالسات مليت من الذب وانقهرت تذب علي وبناتها ابدا ماتذب معي حجت معاي يبنات وجننتني والله فقدت عقلي الناس يتعبدون واهي تذب علي تخيلوا مره شافت علي شراب وقالت يازين هالشراب الي عليك من وين قلت الله يجزئ امي خير هي الي جابته لي قالت يوواثاريك مانتي شي وامك سنعه وماتعرفين تشترين ليشش ماطلعتي على امك تخيلوا علئ شراب ولا تقولي شيلي اغراضي وتروح تركض تطلع لولدها يعني اني اسنع من زوجتك وانا لازم اتاخر معي اغراضها واغراضي جننتني حسبي الله ونعم الوكيل ..المهم بعد الحج ماعاد صرت اروح انام عندهم اروح اسلم واطلع ومع ذالك ماسلمت منهم بنتي الي قبل الصغير متعلقه في الشغاله مره واهم دخلو الشغاله للمطبخ وطردو البنت لانها شقيه وتخرب وقفلو الباب ماتت من الصياح وماهمهم قالو لشغاله خلي مدام تمسكها ماعليك واهي قالت البنت لما تصيح كثير بتستفرغ وسفهوا الشغاله وش رايكم بالله ...عقب قلت لشغالتي البنت ماتتركينها ابدا لو اي احد يقولك ماعليك منه من الي يعطيك الراتب انا ولا هم ..لاني عرفت انهم مافيهم خير تخيلو يبنات نقلت لنفس الديره وسالت بكل براءه خالتي قلت لها كيف مستوئ الروضه والتعليم فيها قالت زين زبعد في حضانه حطي ولدك فيها مدري وش تقصد قلت لها انا جايبه الشغاله له وشوله احطه في حضانه مدري تخاف احطه عندها الحمدالله بس عقبها دريت انه مانافعني الا شغالتي وماله داعي اكرفها عشانهم بس المشكله ان بيني وبين زوجي خلاف كبير الحين يبيني اسكن في الدور الثثاني حق اهله وله باب مستقل بس انا مو راضيه اقول ماخلوني بحالي وانا بعيده اجل وش بيسون اذا صرت قريبه والشغاله اكيد بيطلبونها وماعندي استعداد اخسر خدامتي عشانهم مع العلم كل تكاليف الشغاله علي من رواتب وتقديم واقامه فوش رايكم هل معي حق ارفض بشده والا اغير موقفي وجزاكم الله كل الخير...