مشكلتي مع موبايلي النصابين

بنات انا جوالي قاطعينه له اسبوع ونص بحجة انه وصل الحد الائتماني واصلا ماعليه الا خمس وثلاثين ريال لاني حاطه حد ائتماني اربع ميه ومسددتها قبله باسبوع تخيلوا ادق على الف وميه يقولي فاتورتك خمس وثلاثين ريال واحاول اتصل يقول لقد تم تجاوز الحد الائتماني طبعا حاولت اكلم الموظف من جوالي مايردون كالعادة قام زوجي
دق عليهم من جواله واخيرا رد يوم رد تلعثم الموظف وقال هذي خدمة رسوم البلاك بيري قال زوجي انا ملغي خدمة البلاك بيري لي شهرين وجتني رسالة تأكد هالشي لان جوالي قبل كان بلاك بعدين قال لحظة ورجع قال ايوه هذا الجوال يستخدم النت بكثرة عالجهاز عشان كذا انقطع وقال ان فيه مشكلة بجوالات اللمس انك وانت شابك على الوايرلس يحسب على الشريحة يعني يحسب عالشريحة والواير لس تخيلوا ويقول حذروا اللي تعرفونهم وانا والله يابنات مادخل النت بجوالي ابدا وحتى لو دخلت ماتوصل خمس مية ريال بس انا مادخل منه عندي لاب توب وعندي تاب ماني محتاجة ادخل منه المهم جوالي مقطوع له اسبوع وكل يوم يزيدون بسعر الفاتورة والجوال مقطوع كيف تجي هذي كان خمسة وثلاثين بعدين صار خمس مية واخر شي البارح وصلت الف راح زوجي للفرع قال قدم طلب شكاوي تخيلوا واذا سأله زوجي وش السالفة يقول مشكلة تحديث بيانات حسبي الله عليهم المشكلة انا مسدده قبل لايقطعونه باسبوع وانا اساسا ماكلم احد الا امي وماطول حسبي الله عليهم شركة فاشلة فيه احد صار له نفس مشكلتي ولا انا حالة استثنائية