السلام عليكم ورحمة الله وبركاته....انا عندي بكره عزيمه في البيت الظهر وابغاكم تقولون لي وش اصلح الغداء راح يكون من برا لكن وش اصلح حلا وسلطات وكيف اصلح الجريش الفزعه يابنات لاتخلوني اتفشل قدام الناس وافشل زوجي بعد ترا هذي اول مره يجي عندي عزيمه
اللهم فرح قلبي بالحمل عاجلا غير آجل
انتي لاتشيلين هم وكل شي بيستهل بس خلك هاديه سوي حلى كاسات شوفي فيه بالمنتدى كذا طريقه خذي اللي مقاديرها متوفره عندك سوي كريم كرامل بشكل قلوب اذا عندك قوالب السيلكون واذا تحبين تسوين سلطة فواكه والسلطات عندك فتوش هي السلطه الرسميه انا اعتبرها وضيفي لها ذره تطلع مميزه وسوي اذا تحبي سلطه حاره وعندك سلطة المكرونه كمان وةسلطة الزبادي والجريش ادخلي قسم الاطباق الساخنه شوفي كذا طريقه وحلى القهوه ممكن تسوين بسبوسه وبالتوفيق يالغلا
الله يعينك حبيبتي ..

خليك ريلآكس عآآآدي .. وصدقيني بعد العزيمه بتقولي أنآ ليه كبرت الموضوع

أممممم
أعملي السلطه الفرنسيه كتيييييير مرغووبه مع الرز خآآصه .. وسوي سلطه خضرآء .. وممكن فتوش ..

وبالنسبه للحلآ سويه من دحين ,,, صينية بسبوسه و حلى تآآني ..
ولبعد العشآء أعملي حلآ كآسات و كريم كآراميل ..


دعوووواتك لي بالتوفيق أنآ وخطيبي ..
الله يقويك
مراااااااااااااااااااحب عزيزتي لا تخافي صدقيني المنتدى وعضواته والله كانهم اهلك عندك اي وصفة تقدري تدخلي على القسم وتحددي بس خلي معك ورقة وقلم عشان تحددي الاصناف يعني كم صنف سلطة وحلى وكذا بالنسبة للجريش أموووووووووت فيه والحمدلله يضبط معي تمااااااااااام بشهادة كل من ذاقه من يديني إنا استخدم الجريش التركي اللي يجي لونه ابيض وطري لما تطبخيه المهم الجريش اللي عندك اغسليه زين وانقعيه شوي بماء دافئ وغطيه وحطيه على الطاولة وجيبي قدر الضغط وحطي فيه ماء ساخن بس لا تكثري عشان تعرفي توزني المقدار بعدين و4 حبات هيل واعواد قرفة صغيرة وم ص كمون مطحون وزيت زيتون وخليها على النار وبعدين صفي الجريش من الماء النقع وحطيها وشوفي الماء لازم تكون فوق كمية الجريش مو كثيرة مرة واحسبي له حدود ساعة الإ وبعدين فكي عنه وصبي عليه كوب حليب بودرةمذاب بماء وحركيه زين عشان ما يبان الحليب واذا حسيتي يحتاج كوب ثاني زيدي وحركي وخليه على نار هادئة حتى تشوفيه بدا كانه يغلى الحين حطي الملح وبس وبالنسبة للتزين فيه طريقتين الاولي انك تقطعي بصل شرايح مع جزر مبشور ومص كمون وم ص بهارات وتقلبيها بالزيت على النار حتى تلين وتطفي النار والطريقة الثانية تاخذي بصل شرايح تقليه بالزيت على النار حتى يتغير لونه ويصير غامق وبعدين صفية وحطي عليه م ص بهارات عشان ريحة البصل وحطيه بالخلاط حتى يصير زي الفستق المجروش بس انعم شوي وزيني فيه طبعا مع السمن البدي الذ واطعم بكثيرررررررررر وتقدري بدل الحليب تصبي لبن غنم بس مقدار قليل عشان ما يكون حامض مرة
وبالعافية
والحلا تقدري تاخذي من المنتدى شوفي اللي تقدري تسويه وسويه بدري ترتاحي والله يوفقك وبشريني بالنتيجة
يارب أرحم أبوي وأسكنه في جنات الفردوس الأعلى%


الساعة الآن 01:34 .