ولد عمي المتزوج يعاكسني يخرب بيت النت لوج والفيس بوك والجوال

لي ولد عم كان زمان واحنا بالثانوي كلمني من وراء باب شقتنا وعيونه جمر وكنت توي مخطوبة لواحد قرايبنا
قالي يابنت عمي انا احبك وابيك قلت انا مخطوبة وحنا اصلا ردينا على اهل اللي خطبني بالرفض بحجة الدراسة
ولسه محد يدري من اهل ابوي وقام ولد عمي يبكي ويقول انا ابيك ولا تتزوجين غيري قلت خلاص انت اهتم بدراستك وان شاء الله ما راح اكون الا لك لو خلصت الجامعه بتفوق

طبعا ابي اسكته ابوي كان مو موجود واخواني بالمدرسة وامي ياقلبي نايمة وانا ارجف واقوله خلاص روح مدرستك

وراح

لمدرسته وللعلم امه كانت تقول قدامي احنا ما نبي نزوج فلان لفلانه خايفين من الامراض الوراثية مع انه ما عندنا بالعائلة أمراض وراثية

الله يسامحها ولكنها الآن تحبني مرة لاني احبها واحترمها ودوم اسأل عنها

عموما انا تزوجت وولد عمي تزوج وكلن راح بحياته عندي اطفال وهو نفس الشئ

المهم قبل اسبوع جاني رقم غريب يطلبني ارد وانه مشتاق لصوتي
طبعا انا طناش ولا علمت زوجي لانه بيشك فيني واا ما ادري من اللي ارسل

وعالفيس بوك طوالي رحت قفلت صفحتي ما احلا اولاد عمي اللي بسني فوق الثلاثين مع اني باسم ولد وما عندي غير اخوي وصديقات قلاءل الا اولاد عمي كل يوم طلب صداقه وانا ارفض


المهم عالنت لوج ابن عمي الحبيب الاولي طالب صداقتي قسم بالله قرفت النت