السلام عليكم خواتي
بعرض لكم مشكلة وحدة اعرفها قالت لي مشكلتها وانا حبيت اخذ رايكم بالموضوع
بقول القصة على لسانها مثل ماقالتها لي بس حطوا في بالكم انها مو قصتي
تزوجت والحمدلله زوجي طيب وعنده خوات مطلقات ربي يكون بعونهن وعندهن بنات وزوجي هو الاخ الوحيد عندهم وابوهم متوفي رحمة الله عليه ومن اول ما اتزوجت وام زوجي تقول لي جيبي ولد وسميه مبروك
وانا كل مرة اقول لها اعوذ بالله ايش هذا الاسم ؟
المهم حملت وجبت بنت
وراحت تكرر علي كل ما شافتني جيبي ولد
رحت رفعت يدي لسماء وقلت يارب كل خلفتي بنات
وفعلا جبت البنت الثانية والثالثة الله يخلي لي بناتي
والحين حامل
نجي لصلب الموضوع
ام زوجي مصرة واقنعت زوجي انها تجيب ولد من دار الايتام وتجيبه لي وارضعه واربيه الين يصير عمره 15 سنة بعدين تاخذه وتخليه سواق لها ولبناتها ولحفيداتها
:mad:
طبعا زوجي وافق من باب انه اجر وهو ما عنده عيال
لكن انا رفضت وقلت لو جبتي لي ولد ورضعته والله ما اخليه الين ما ازوجه وما ارضى عليه يكون سواق عندك انتي وبناتك وغلطت بالكلام وقلت لها انتي اتزوجي ورضعي كل الايتام وخليهم سواقين عندك وطبعا الكل زعل مني :icon33:
والمشكلة قائمة
واهل زوجي يتصولون علي جوال ويقولون لي يالحقودة لهذه الدرجة تكرهين ام زوجك :44:
اتمنى انكم تفهموني انا لو رضعته راح يكون ولدي وانا مستحيل ارضى عليه.
انتهت القصة
ردي لها كان
انها تصالح ام زوجها وتحب على راسها وتصالح زوجها وتحاول معاهم وتفهمهم وجهة نظرها باسلوب وتكثر من الدعاء وقلت لها خوات زوجك يمكن يتزوجون وبناتهم حلوات بعد 15 سنة تلقين كل وحدة في بيتها
:icon28:
كلامي لها كان صح ولا غلط؟؟ والي عندها راي ثاني تسدحه هنا وادعوا لها تقوم بالسلامة تراها حامل ومتوترة :angry:
ميار 6666 @myar_6666
محررة ذهبية
يلزم عليك تسجيل الدخول أولًا لكتابة تعليق.
الله يقومها بالسلامه ويرزقها الولد الصالح وتسميه ع اسم ابو زوجها عادي مافي شي الاسم الولد ما يعيبه اسم وتحاول تصلح علاقتها مع ام زوجها وتحتسب الاجر اما التبني فماله داعي من وجهه نظري والحمد لله هي تجيب عيال وان شاء ربي يرزقها اولاد ولا زوحها يبي الاجر يقدر يكفل يتيم بمبلغ شهر لاكن يصير في دار الايتام ما يخدونه
ردك لها ومشورتك حلوة بارك الله فيك
وهي رايها صح ايش ذنب هاليتيم يعيش حياتها كذا بعدين يشتغل سواق اكرم لها دار الايتام اقلها مافي اهانه نفسيه
يتصالحون وتفهمهم وجهت نظرها بالرواقه...
وهي رايها صح ايش ذنب هاليتيم يعيش حياتها كذا بعدين يشتغل سواق اكرم لها دار الايتام اقلها مافي اهانه نفسيه
يتصالحون وتفهمهم وجهت نظرها بالرواقه...
الصفحة الأخيرة
اكيد ماراح ترضع غصب عنها