مرحبا عزيزتي انا لي سنه استخدمها رابع يوم الدوره احطها اسفل البطن او اعلى الظهر بين الكتف والرقبه واغير دائما يعني ماالزق لزقتين ورابعض في نفس المكان يعني الاسبوع الاول احطها في بطني الثاني في كثفي الثالث في بطني وهكذا
وماشيه معي افضل من الحبوب لاتاثر في النفسيه ولا شي
الحين اشرح لك الطريقه رابع او خامس يوم في الدوره تحطيها مثلا اسفل البطن ومثلا كان رابع يوم الدوره يوم الاربعاء
الاربعاء الي بعده يعني بعد مرور اسبوع تشيلي اللزقه القديمه وتحطي وحده جديده في اعلى الكتف وبعد مرور الاسبوع الثاني يوم الاربعاء الي بعده تشيليها وتحطي اللزقه الثالثه وتستني انتهاء الاسبوع الثالث وتشيليها يوم الاربعاء وماتحطي شي لانها ثلاث لصقات في الكرتون خلاص انتهت تستني اما اسبوع او خمس ايام وتنزل الدوره ورابع يوم الدوره تشتري كرتون جديد وتبدأي تحسبي اسبوع وتحطيها وهكذا اتمنى تكوني فهمتي
بالنسبه لحالتك انك وضعتيها اخر يوم للدوره انا افضل انك تستشيري دكتوره او تستخدمي مانع اضافي لانها ممكن ماتمنع الحمل استخدمي الواقي الذكري او العزل او الجدول
اليوم الي حطيتي اللزقه فيه الاسبوع الجاي نفس اليوم تشيليها وتحطي الثانيه وكمان الاسبوع الي بعده والاسبوع الثالث تشيليها وتستني الدوره وحطي اللزقه من الكرتون الجديد رابع يوم طبعا كلامي كله ماتاخذي به الابعد استشارة الطبيبه واكتبي في قوقل لصقات ايفرا لمنع الحمل واقري عنها
وانا الدكتوره قالت لي استخدمها رابع يوم غير الي مكتوب بالنت والحمد لله ماحملت عليها من سنه واختي من خمس سنوات تستخدمها خامس يوم الدوره اتمنى اكون افدتك

رفع

انا كنت استخدمها اخر يوم من الدوره يعني في اليوم الخامس زي طريقة حبوب منع الحمل والحمدلله نتيجتها جدا
رائعه ولا حسيت باي مضار لها بصراحه افضل من الحبوب وطريقتها زي ما ذكرت الاخت حمده٩٩

اب

اهلين انا استخدمها لان الحبوب ما ناسبتني واللصقات مريحه جدا الصقها خامس يوم بالدوره مثلا يوم السبت خليها اسبوع والسبت الثاني شيليها وحطي وحده بدالها مكانها مرات احطها اسفل ظهري ومرات احطها اعلى ظهري ع الكتف اتمنى اكون افدتك