لا انتي على كيفك تحطي الماي بقياسك انتي
واذا جربتيه ماراح تستغني عنه
27-06-1432 هـ, 11:42 صباحاً
 
روووووعه انا مااستغنى عنه بس لازم تنتبهين اذا حطيتي الاغراض في القدر اغلقيه زين
27-06-1432 هـ, 11:46 صباحاً
 
مرحبا قلبي
احس قدر الضغط ضروري في كل بيت
وافضل نووووووووع تيربو آمن بإذن الله وسهل الإستخدااااام
موفقة حياااااتي ؛؛؛
27-06-1432 هـ, 11:47 صباحاً
 
اولا ... موفقه بالشروه الجديده ان شاء الله

ثانيا .. والله هالقدر يساعد حييل


ثالثا انا راح اشرح لك شرح مفصل عن كيفية استخدتمه وانواعه






...


انواعه /


1 - ابو يدين

-
-
-



2 - ابو يد

-
-
-




3-

-
-
-




هذا النوع يجي بموقت حلو راح يفيدك




كلها حلوه واستخدامها زي بعض بس تفرق من ماركه لثانيه ؟


عندك ابو يد بصراحه من تجربه لي انه يطول اكثر من ابو يدين مهما اختلفت ماركته


لاني استخدمتها كلها


المهم نجي لطريقة الاستخدام ...


استخداماته كثيره ...


اولا كبسات اللحوم /


الحمراء ...


البقر و الحاشي و الخرفان تطبخينها عادي ويوم تجين تحطين المويه

طبعا لازم تخلين الماء يغطي اللحمه مو تغمرها بس تغطيها

تسكرين عليها وتضغطينها لمدة نص ساعه

وتختلف المده اذا انتي مقطعتها كبار اللحم ولا صغار


وعشان انتي اول مره تطبخين فيه خليها تضغط لمدة 20 دقيقه

ثم طفي عليها وشوفي اذا قربت تنضج ولا لا



* ملاحظه مهممممه جدا / اذا طفيتي على الضغط
لا تفتحينه الا لما يفضي كل الهواء بعد ما ترفعين الصافره
لانه لا سمح الله يمكن ينفجر فيك وتطير اللحمه الله يحفظنا


نجي للحم التيس .. الظأن

طبعا ما يبي لها غير 20 دقيقه ثم تكبسين عليها


اللحوم البيضاء ...


الدجاج /

طبعا ما يبي له وقت بس يبي له 10 دقايق الى ربع س
على حسب التقطيع

اذا ارباع خيلها بس 10 د واذا انصاص 15 د


وطبعا مو بس في الكبسه حتى في السلق

السمك / ما انصحك تضغطينه بس اذا حبيتي اكيد ما راح يأخذ 5-7 دقايق


نجي للخضار والايدامات ...

السلق /

5-7 دقايق اذا بتسلقين خضار منوعه ما يطول عشان ما تنهرس عليك

الايدامات /

طبعا بتكونين مكشنه وكل شي جاهز وباقي تحطين الخضار ؟

تحطينها وعلى طول ما يبي له الا 5 دقايق بالكثير وخلاص


تقدرين تسوين فيه مرقوق وحميسه وهريسه

وكلها ما تأخذ 5-10 دقايق


*ملاحظات تهمك جدا *

1- اذا كبستي الرز وضغطتي على القدر اول ما يبدأ صوت الصافره
على طول تنقصين وتخلينه 10-15 دقيقه ثم تطفين علشان ما يحترق عليك .


2-اذا شكيتي ان المرق اللي في اللحم شوي امسكي الضغط
من يده وحركي بشكل دائري يعني كأنك بترجينه يمين ويسار اذا ماحسيتي
ان فيه مويه معناته ان اللخم لصق بالضغط.


3-راح تشمين على طول ريحة الحريق اذا احترق لا سمح الله عليك الاكل عن طريق الصافره


4- زي ما قلت لك انتبهي تفتحين الضغط وهو بعده ما فرغ الهواء
واذا كنتي مزنوقه ومستعجله حطيه تحت المويه ثم بعدها افتحيه.


5-تفقدي كل شوي الضغط بشم رائحة الاكل عن كريق الصافره عشان ما يحترق الاكل



/

/


وبس يا غلاي

اتممنى اكون افدتك واي استفسار

اختك موجوده من عيوني ما راح اقصر ..

ولا تنسينا من دعواتك لي ولوالديني

وان الله يرزقني الحلال

والزوج الصالح

27-06-1432 هـ, 01:37 مساءً
 


الساعة الآن 05:18 .