بنات أكيد متذكرين فكرة كراج سيل اللي اقترحتها من فترة وكثيرات شجعوني عليها .

وأنا عندي مساحة كافية بالعمارة لعرض منتجات كثيرة شو رايكن قبل الصيف كل وحدة تجمع الأغراض اللي ما تستخدمها وخصوصا الملابس والألعاب وسياكل الأطفال وطل شي ما تستخدمونه مهما صغير وتجيبونه عندي وكل وحدة لازم تحط طبعا شغالة تبيع لها .

وانا المبلغ اللي بحصل عليه رصدته لإحدى العائلات الفقيرة التي أعرف أنها بحاجة للضروريات يعني تتخيلون أن هناك ناس لا توجد لديهم غسالة ( من أم الحوضين ) ؟؟؟ لحد الان ويغسلون بغسالة من موديل السبعينات اللي تشتغل يوم وعشرة لأ ؟؟؟؟؟؟؟؟؟؟


فوجدت أنهم ليسوا بحاجة للملابس أبدا هم بحاجة لأهم من التايورات وقمصان نوم هم بحاجة لأشياء ضرورية جدا جدا .

وبعد البيع كل وحدة إما تحب تتبرع بالناتج أو تأخذ فلوسها لها هذا راجع لها .

وراح يكون طبعا مكان خاص للعب الأطفال . حتى اللي بتيجي هي بنفسها نتعرف عليها ( بنات حواء اللي بالمنطقة ) ونجلس نتعارف والأولاد يلعبون .

ولوحابين الأطفال يسبحون كمان عادي ولو يلعبون بلياردو موجود !!! واللي تحب تجلس على كراسي المساج أهلا وسهلا بها .

واللي تحب تعمل ساونا وتجلس في غرفة البخار أيضا أهلا !!!

ما أمزح !!! نخلي الشغالات يبيعون واحنا نتسلى .

بس طبعا لازم تكون الأغراض من أكثر من وحدة يعني عدد مش وحدة وبس !!!!!!!!!!!

وأنا أول من ممكن أشتري منكم خصوصا لو العاب الأطفال .

اللي حابة الفكرة تسجل اسمها وتحدد شو بتعرض .
وبيكون يوم خميس أفضل شي ووقت العصر حتى يكون اللعب للأطفال بدون شمس .
منطقة ألعاب الأطفال


http://www.w6w.net/upload/30-04-2005...01762dd577.jpg
واللي مش متشجعة إنها تبيع شيء أو تستحي تخلي بناتها أو اولادها اللي واعين للنقود منها تدريب على البيع والتعامل مع الناس وما بتخسرون شي غير انكن نظفتم بيوتكم .


وبخبركم عن شغلات شفتها بعيوني تنباع بالكراج سيل للي ما عندهاش فكرة :

ملابس
مكياج مستخدم تخيلوا !!!!!!!!!!!!!!!! وكريمات مفتوحة لكن ما عجبتك الريحة أو سوت لك حساسية .
أثاث : تجيبون صور واضحة واللي يعجبه يروح بعدين ويشوف عالطبيعة .
ألعاب أطفال مما هب ودب.
كراسي السايرة للأطفال .
وكراسي طعام.
قطع سجاد صغيرة اللي تقدر تجيبها معاها .
قطع السجاد اللي في أرضيات الحمامات مهما كانت قديمة في ناس يشترونها .
أدوات الحدائق .
زرع بالحواض شعرتي بالملل منه أو حابة تتخلصي منه.
مفارش السرير.



فرصة كل وحدة تنظف البيت كله وتحضر كل الزوائد والله الواحد يشعر بالنظافة بعد التخلص من كل الأغراض المتراكمة .
شنط
أحذية

والله مرة لقيت عندي 4 شنط ربحات من عند KFC وحتى سخانات وبرادات و ترامس الشاي والقهوة اللي نربحها من المطاعم وما استخدمها وكلها تخلصت منها .


الساعة الآن 08:28 .