السلام عليكم ورحمت الله وبركاته
صباح الخير يالغاليات راح احكي لكم قصتي ولكن افضل ان تقرأوا هذه السطور البسيطه
في باديء الامر احمد الله الف مره فهو من يقدر الاسباب سبحانه
يالله ما الطفك
احبك ياربي
لكل إ مرائه اوجه لها هذي الرساله بالكشف المبكر عن سرطان عنق الرحم او الثدي باسرع وقت ممكن
فهو سباق مع الزمن والله لن تندمي باذن الله انا اخر شي افكر فيه اكشف طبعا هذا كان استهتار مني بس كنت
اقول توني صغيره ولااستخدم اشياء ضاره وانا اسوي رياضه واكلي صحي وووووووو
كذب ممكن هذي تكون سبب في تخفيف المشكله والمساعده في علاجها ومقاومه المرض
المهم
اسال الله لي و لكم تمام العافيه ولكن من مبداء الاخذ بالاسباب ياحبيباتي
كما حثنا ديننا العظيم ان نأخذ بالاسباب وكئنها كل شي وان نتوكل على الله وكانه كل شي
وهو كل شي بأمره سبحانه
قصتي البسيطه والتي هزت قلبي وتفكيري
وغيرتني تماما باذن الله للاحسن
وان شاء الله تستفيدوا
اولا عمري 25 سنه واجضهت 4 مرات وعندي بنت الله يحفظها يارب المهم اني
كنت امارس عادة خاطئه بالعنايه الشخصيه وهذا سبب رئيسي بالمشكله وسوف اذكرها مع القصه
ثانيا بدأت اعاني من التهابات وفطريات واتعالج منها باستمرارمن نفسي اروح وصرف نفس الادويه الي استخدمتها قبل بدون لا اراجع المستشفى
مع انني اخذ كل الاحتيطات من النظافه والغسول وووووووو ولكن سبحان الله
تعود لظهور دائما اعذروني على بعض الكلام ولاكن شسوي ظروري
واخر مره ونا بالحمام ماقدرت اتحمل الالم والحرقان ولكن مابل يد حيله
وكان واضح اثار الدم بعد منتهيت من التبول
والمصيبه اسوي تحاميل من المره والعسل وووووووووووووووووغيره وغيره واستخدمها واذا كنت طيبه استخدم الملح البحر وهذا دمار كنت استدخمه زي التحميله
وافرح اذا شفت المويات تنزل اقول تمام نضفت ما ادري اني نشفت الرحم والبطانه الي ربي خلقها رطبه وناعمه وخليتها ظعيفه وهشه الله المستعان الجاهل عدو نفسه
ومعد نفعت معي وزاد الالم وكنت شاكه ان المر مونضيف لان لونه قريب لسواد
واخيرا صحيت لنفسي
ربي يسرلي وغيرت الدكتوره لان الوضع ماتغير قلت اغير الدكتوره كنت اراجع بمستوصف وكل مره اشوف دكتوره جديده ورحت المستشفى ونا ادعي يارب خلاص معد فيني للبهذله حتى زوجي طففففففففففففففش وجلست تسالني ايش الادويه وايش كنت اسوي ونا كم ليه باعاني على هذا الحال يعني ملفي الطبي كامل عرفته
قالت ظروري كشف داخلي نطمن على وضع عنق الرحم قلت عندي التهاب بتالم قالت ظروري
يمكن سببتي لنفسك بالخلطات والمصايب هذي قرحه وهذي اثارها ويمكن مايكون التهاب فايروس يكون التهاب فطريات وهذي انوااااع مش نوع واحد لازم نحللها بالمختبر علاجاتها تختلف خليني اكشف حاولت اتهرب وهي اصرت
كشفت علي قالت عندك قرحه صغيره وبسوي للعينه "المسحه "تحليل ونشوف نوع الالتهاب الي فيها قلت طيب
قالت يابنتي ودي اطمن اكثر انتي استخدمتي تقريبا اغلب الادويه وما جابت نتيجه بسويلك
منظار وهو بسيط لاتخافي بس راح ادخل واشوف الخلايا زين وهذا لمصلحتك
حسيتها خايفه علي ووافقت وسويت المنظار بعد جتني الدوره
وبعد 10 ايام جيتها اشوف نتيجت العينات الي اخذتها بالمنظار طبعا مافيه الم نهائيا وقت المنظار
ولا حسيت باي شي الحمد الله
قالت القرحه بنقدر نعالجها لكن اكتشفنا عندك بمكان معين ان الخلايا متغيره طبيعتها سبحان الله وهذا يسموه تحور الخلايا
طبعا انا مت من الخوف وقلت سرطاااااااااااااااااااااااااااااااااااااااااااان قالت لاء مو سرطان ابدا
بس بدايه مؤشره لاحتمال حدوث السرطان لو ماعلجناه يتحول لسرطان مع الوقت
ونسبت الشفاء بعد العلاج في هذا الوقت 99% ظروري قبل لايدخل جوا لازم
تتعالجي بسرعه بالليزر "عملية كي"
او كشط كهربائي طبعا كلها تتم بعد التخدير
طبعا كذبتها بنفسي وقلت بشوف وسالت قريب لي عن مدى صحت كلامها قال معاها حق بكل كلمه وانتي ادخلي وابحثي بالنت وشوفي موضوع تحور الخلايا لبطانه عنق الرحم
وتعرفي
منتي خسرانه ولو تسوين كشف لثدي مبكر يكون افضل وتبدئين تتابعي من بدري
عشان واضح ان جسمك قابل للاصابه لاسمح الله
وهذا انا شاء الله موعدي بكره الخميس يحددون موعد العمليه والله يشفي كل مريض يارب
اتمنى تنبهوا انفسكم وخواتكم وصديقاتكم والله ماراح تندموا بالعكس هذي نعمه من الله انه يسر لنا العلاج
اسال الله يسلمكم من كل شر
دعواتكم لي يابنات باظهر الغيب وكل من تستفيد بالله ترفع الموضوع بالتوفيق للجميع
الوفيه لكن @alofyh_lkn
عضوة جديدة
يلزم عليك تسجيل الدخول أولًا لكتابة تعليق.
لمبه بلا نور
•
الله يشفيك ويعافيك
الصفحة الأخيرة