السلام عليكم ورحمة الله وبركاته ...

مساكم الله بخير ونور وسرور يارب ..

خواتي فيه احد يساعدني ابي اصبغ شعري صبغه غامقه يعني اسود لكن تكون بالحناء لان الصبغات الكيماويه ماابيها لان لها اثار جانبيه ولا عمري صبغت شعري بغير الحناء واتمنى وحده تقولي ايش احط مع الحناء عشان يصير شعري اسود ولا بني اسود اهم شيء يسود شعري
لاني مااحب الاحمر ولا احب الاشقر
شعري اشهب واللهب ودايم يقلون لي حنيه وانا مااداني الاحمر لازم احط مع الحناء شيء عشان مايطلع شعري احمر لكن مايتغير لونه يصير احمر غامق
وقالت لي وحده حطي قهوة احرقي القهوه وطحنيها وحطيها بالحناء يصير لون شعر اسود ؟؟؟؟؟ لكن قريت ان القهوة تخلي الشعر بني مايخليه اسود
يارب وحده تقولي لاني عندي زواج قريبتي وابي احنه قبل يمكن يضبط

فمان الله والله يوفقك كل وحده تدخل وتقراء موضوعي وتقول الله يخلف عليها

ادري مالي داعي بس وش حيلتي

الله يساعدكم كلكم ويوفقكم يارب كل من تدخل وتساعدني واللي تدخل وتشوف الموضوع وتطلع

اشوفكم على خير يااااااااااااااارب فمان الله ..........

أختكم
بائعة المسك

هلا فيــج اختــي..

تبين شعرج يكون اسود ليش ما تحنينه الحنه السودة

مع العلم انها ما ناسبت شعري ... وطلعتلي شيييب الله لا يراويج ...

لكن شوفي انا كل مرة احني شعري وكل من يقولي انتي صابغة شعرج اسود

مع اني اصبغه صبغة تكون حمرة مادري ليش يقلب اللون

المهم شوفي هالخلطات انا ماخذتها من زماااان من منتدى ثاني

والله يجزاها خير اللي كتبتهم بصراحة ناسية اسمها..


لون الشوكولاته :
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي).
4- 5 ملاعق من بودرة الكاكاو.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون وضعيها على شعرك من ساعة الى 3 ساعات حسب درجة اللون المطلوبة.


للون البني :-
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي).
4- 3 ملاعق قشور باذنجان.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون وضعيها على شعرك من ساعة الى 3 ساعات حسب درجة اللون المطلوبة.


معلومات تهمك :
- مقدار الماء الساخن حسب تقديرك.. يعني ما يجب ان يجعل الخليط متماسك و ليس سائلا.

- في حالة الشعر الجاف تقلل كمية الخل الى ملعقة واحدة كبيرة و تضاف 3 ملاعق من زيت الذرة.

- يفضل استخدام البخار للشعر لمدة 30 الى 60 دقيقة.. ثم تجفيف الشعر.

- تغسل الحناء بالماء و البلسم فقط.. و يمكنك غسله بالشامبو في اليوم التالي.

- لتثبيت لون الصبغة لفترة اطول.. اغلي قشور البرتقال و الليمون مع الماء الساخن المستخدم في العجن لمدة 10 دقائق قبل استخدامه للعجن.

- اذا شعرت ان اللون غير ملحوظ لان شعرك داكن اللون .. قومي بتفتيح شعرك باستخدام الليمون وعندما يفتح .. استخدمي صبغة الحناء وافرحي بالنتيجة .. سيبدو اللون ملحوظا


مرحبا...

انا عندي كتاب مكتوب فيه طرق تقدرين تغيرين لون شعرج كذا لون وفي اللون الاسود بس انا ماجربتها......اذا تبينها اكتبها لك بس تراني بريه اذا صار شي لان ماجربت لقيت الطريقه بالكتاب مثل ماقلت قبل...

سلاااااااااااااااااااااااااااا اااااااااام..
حطي مع الحناء عفص** تلاقينه عند العطارين**




مغلي البابونج مع الحناء يعطي شعرك اللون الذهبي


الساعة الآن 03:37 .