السلام عليكم يااحلا حوائيات
جانا الصيف وجا تذمر الجميع من الملل
خاصه الاولاد محكورين بالبيت
حابة انى اشغل وقت فراغ ولدي في ها لصيف واعلمه معنا الشغل وعرق الجبين وقيمه الفلوس اللى يدخلها من مجهوده
فكرت في شي سهل ومربح وحطت بي الافكار انه يبيع بالونات الهيدروجين
وحلاوة الشعر او غزل البنات بس عجزت اعرف وين تباع هاذي الالتين ياليتتدلونى على مندوبات يبيعونها
29-06-1432 هـ, 11:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لو انتي بالرياض كان دليتك على محلات تاخذين منها بضاعه لولدك ويستثمرها
01-07-1432 هـ, 12:57 صباحاً
 
لله ييسر أمورك

ما أدري كل ما فكرت في شغلة تصلح للأولاد في الصيف
يخطر في بالي يبيع آيسكريم التوت(صناعة منزلية) + مشروبات باردة أو ساخنة + بليلة (في رمضان خصوصاً)
ممكن يجلس بها عند باب البيت أو أنك تجيبي له تصريح و يبيعها في النادي أو أي مكان تشوفينه مناسب
هذي الشغلات اللي أحسها تمشي خاصة في الحواير

لو عازمة على فكرتك
فمرة شفت في كتالوج ساكو أن عندهم آلة الفشار يمكن يكون عندهم آلة غزل البنات كمان

الله يوفقك
01-07-1432 هـ, 01:36 صباحاً
 
شوفي هذا الزمن خلي ولدك جنبك يجلس في البيت و لا تخليه يدور في الشوارع ، لانه في الطيب و البطال و ما تدري ولدك يختلط مع مين و مين يضحك عليه بكم كلمة و هو يكون مسكين على نياته ،، اذا انتي ناوية تضيعي وقت فراغه في الصيف ، خليه يشترك في اي مركز رياضي و يتعلم السباحة او الكارتيه او غيره و خليه فالبيت يحفظ القران و يبدا من قصار السور و الشغل لاحق عليه ، بس الزمن صار يخوف و الله يخلي لك عيالك
01-07-1432 هـ, 02:36 صباحاً
 
ممكن يبدأ بداية بسيطة في العايلة
اذا عندكم تجمعات اسبوعية زينا
يضحكوني بعض اولاد وبنات العايلة الصغار حتى بعضهم بعدهم مايعرفون للحساب ويبغون يبيعون
في دمائهم حب للتجارة من الوراثة
يبيعون
شيبسات وىيسكريم وحلويات...الخ
ويكون تحت نظرك واشرافك
اما ولدي عجبتته الفكرة
تخيلي ويش يبغى يبيع


جزر وطازج من مزرعتنا مباشرة مو من السوق
ههههه
ممكن لو كبر شوي وعرف للحساب اخليه يجرب يبيع ويتعلم التجارة


اما اذا ولدك كبير في متوسطة او ثانوية
شوفي لك في احد عنده محل من العيلة او المعارف المقربين
وخليه يداوم عنده طول الصيف براتب بسيط
اذا احد عنده بقالة مثلا او حتى منجرة او ....الخ
اهم شي ان الولد يرتاح ومايكون هالشي اجباري عليه
01-07-1432 هـ, 01:35 مساءً
 


الساعة الآن 10:31 .