السلام عليكم ورحمة الله وبركاته
حبيت أن افصح ســري المذهــل لــكم أنتــم يا بنــات حـــــواء لـمعزتـكن عنـدي ..
بس أول شئ أذكرو الله وقولو ماشاء الله بليز ..
هل تعرفو لـما أروح بأي مناسبه أو عزيمه أول شئ الوحده تقولي لما تشوفني : مــاشــاء الله وعيونها على وجهي وأنا احب أطالع بأشـكالهم وهم يتأملو وجهي بإعجاب
..
عاد خالاتي وخيلاني قلتلهم السـر لأنهم بس يسألوني : شــو تســوي لوجــهك ؟؟
هل تعـرفو أني ماعندي لا كريم أساس ولابودره ولا خافي عيوب ولا هالخرابيط لأني ما احتاجها أصلا ماشاء الله ..
أعرف انـكم متحمســات للسر وأنا حأقولها لــكم بس أول شـئ أدعولي انو الـدورة تنتظم لي لانو تعبت مع انقاطاعاتها :(..
أوكــي الأن حأدخل بالمـــوضوع ..
طبــعا أنا يوميا أعمل دي الطريقة ، وتنفع للي عندها مناسبة بنفس اليوم وحايسه مع بشرتها المتعبه او الباهته ، ودي الطريقه تخلي وجهــك مرااايا بمجرد ماتنتهي منهــا ..
الحاجيات المطــلوبة :-
نشا
~~~
ماء ورد
~~~
صابونة بابايا ( والأفضل أبو 1*5 زي الـي بالصـــورة )
~~~
عسل
~~~
قطن للوجه
الخـــطوات:-
1- خذي زبدية وحطي عليها ملعقة شاي نشـا وملعقتين ماء ورد وقلبيهم ...
الطريقة :- بأصباعين من يدك حطيها على الخلطه وبعدين حطيها على وجهك بشكل طبطبه حتى تغطي كل وجهك وبعدين أتركي الخلطه على وجهك ( ربع ساعه )
2- بعد ماتنتهي الربع الساعه روحي على الحمام ومعك صاابونة بابايا ...
الطريقة : غسلي وجهك بالموية لتزيلي الخلطه وبعدين بللي صابونة البابايا وبنفس الصابونه تدلكي بها وجهك بحركه دائرية صغيره وطبعا عيونك مفتوحه واستمري تدلكي بالصابونه لحتى تتكون طبقة بيضاء من الصابونه يعني لمده دقيقتين كاملة ..
وبعدين بأصباعين من يدك اعملي تدليك بحركه دائرية لوجهك والصابونه عليه لمده دقيقه ...
وبعدها أغسليه كويس بالماء الباارد المنعش ومسحي وجهك بمناديل وشوفي بالمرايا وحتذهلي لشدة بياضه ونضارته ..
3- حطي العسل على كامل وجهك واتركيه عشرة دقائق وأغسليه بعدين بماء دافئ ونشفيه كويس ..
فائدته : منعم طبيعي رائع للوجه
4- وأخيرا ضعي القليل من ماء الورد على قطنه وطبطبيها على كامل وجهك ..
فائدته : مورد للوجه ويعطيه نضاره وحيوية ..
وبعدين روحي ع المرايا وشوفي وجهك كيف زي اللمبه( أبيض وصافي ومورد وناعم ) ولو أفتكرتيني ذيك اللحظه أدعيـلي :smile: