بسم الله الرحمن الرحيم
في البدايه علومكم اخباركم جاكم احد رحتوا لاحد <<سوالف الحريم المعتاده
طبعا لاتلوموني لان اول موضوع لي هنا والكرفته لاعبه دور ومسببه الرعب
تحمستوا تعرفون الانجاز طبعا مابعد اكتشفت اختراع ولا بعد قدمت رسالة الدكتوراه <<دعواتكم ماعلى الله مستحيل
الانجاز طبعا <<اخلصي هاتي الزبده
انه من امس تقريبا متزاعله انا ومرت اخوي بسالفه معينه
المهم جلست كل اليوم ما اكلمها ولاهي تكلمني واحاول اتحاشاه في المجلس اللي نجلس فيه وهي تتحاشاني وبما اننا في نفس البيت شيء طبيعي نتقابل كل شوي
واحاول انشغل بالمذاكرره وهي نفس الشي تنشغل باشيائها
المهم كنت ناويه اطول الزعل ولا اكلمها ابدا وكل هذا من باب كرامة النفس وعزتها انها هي الغلطانه
وفي الحقيقه هي الغلطانه لاتقولون اكيد بتكونين مع نفسك لا والله بس لانها قالت لامي فلانه زعلانه مني
بس هي نفس الشيء عجزت تتاسف الكرامه طبعا
الليله وانا اقلب باوراق الامتحان واذاكر جاء في بالي قول الرسول صلى الله عليه وسلم وخيرهما اللذي يبدا بالسلام اقوم واوقف في مكاني ابي اروح لها يجيني الشيطان من جهه ويقول عزة النفس وينها
لهدرجة تحتقرين نفسك
والحديث يتردد باذاني
اوقف عند بابها ابطق ارجع تقريبا ثلاث مرات بالاخير تقدمت وقلت فلانه افتحي قالت مين قلت انا دخلت وسلمت
وباسلوب ترااااااااااااااضينا ولله الحمد وانتهى الخلاف
وربي بعد مارجعت لغرفتي كل اللي كان في نفسي قبل ادخل عليها من ضيقه وانه ليه اتاسف انقلب الى فرحه وسعه بالصدر وشيء مو طبيعي من الراحه النفسيه
بنات ماكتبت هالموضوع الا حتى نقدم اتباع الله وسنة رسوله على رغبات انفسنا فلربما فعل يدخلنا الجنه وربما فعل يدخلنا النار
في الاخير دعواتكم يالغوالي في امتحاني باتسر وكل امتحاناتي والدرجات العلى في الدنيا والا خره
بئى تسذا @by_tstha
عضوة جديدة
يلزم عليك تسجيل الدخول أولًا لكتابة تعليق.
تانيا 5
•
استغفر الله واتوب اليه
ماشاء الله عليك والله يوفقك وتاخذين الدرجات العاليه وانا بعد ادعو لي انجح هذا الترم
احيانا اسوي مثلك وانسى انهم هم الغلطانين والبعض يتفهمون ونرجع احسن من قبل
والبعض يشوف نفسه عليك انك ضعيفة شخصيه وماتقدرين تبعدين عنهم وهذه نتيجة الطيبه
وغير كذا يعتبرون انفسهم هم الصح وانتي اللي غلطانه واعترفتي بغلطك لما بداتي بالسلام
الله المستعان بس
ماشاء الله عليك والله يوفقك وتاخذين الدرجات العاليه وانا بعد ادعو لي انجح هذا الترم
احيانا اسوي مثلك وانسى انهم هم الغلطانين والبعض يتفهمون ونرجع احسن من قبل
والبعض يشوف نفسه عليك انك ضعيفة شخصيه وماتقدرين تبعدين عنهم وهذه نتيجة الطيبه
وغير كذا يعتبرون انفسهم هم الصح وانتي اللي غلطانه واعترفتي بغلطك لما بداتي بالسلام
الله المستعان بس
الصفحة الأخيرة
وبارك الله فيك ..
وهنيئاً لك هذا الانجاز تطبيق أمر نبيك صلى الله عليه وسلم ..
بس تدرين الانجاز الحلو بعد أنك قهرت الشيطان قهرررر خخخخخخخ
يستااااااهل ليتنا كلنا نقهره بهالطريقة وغيرهااااااا...
وشكرآ على موضوعك الحلو ........