السلام عليكم ورحمة الله
اخواتي
دايم اتسأل عن وضع الحرمة عندنا
اذا تطلقت (بدون رغبتها) تشيل عفشها وعفش عيالها وترجع لبيت اهلها
بعضهم اذا كانت متزوجة من سنين يمكن يكونون الاهل متوفين وتضطر تروح عند اخوها !!
او احد اقاربها
وتتضايق وتحس انها عبء ثقيل
مع ان المنزل اللي عاشت فيه سنين كانت هي اللي تتعب وترتبه وتشتري له احسن الاثاث
وتهتم في نظافته واناقته
وادنى مشكلة تصير تنحرم من حقها في العيش في هذا المنزل
وتطلع منه مكسورة !!
ولا بعد تطلع من بيتها قبل تنتهي العدة والمفترض ان المرأة تبقى في بيتها حتى نهاية عدتها اذا ارادت الخروج منه!!
يجب على المرأة المطلقة طلاقاً رجعياً أن تبقى في بيت زوجها ويحرم على زوجها أن يخرجها منه لقوله – تعالى : " لا تخرجوهن من بيوتهن ولا يخرجن إلا أن يأتين بفاحشة مبينة وتلك حدود الله ومن يتعد حدود الله فقد ظلم نفسه "
وممكن يصير بعد بسبب رفض اهلها وانهم يبون بنتهم عندهم او شي زي كذا!!
المرأة المطلقة عندنا لم يضمن لها حقها في السكن في بيتها
والبقاء فيه مع اولادها (الا اذا اختارت الزواج مرة ثانية)
لا تقولون ما فيه احد ما يبغا بنته هذا شي اكيد ان شاء الله بس مو الكل !!
والله اعرف حريم يعانون اذا راحت لاهلها سمعت انواع الكلام الجارح واهانة اطفالها
وتضطر تصبر على ظلم زوجها عشان المسكن فقط والحفاظ على الاطفال عندها
واذا قلتو ان المطلقة عندنا لها نفقة اقول لكم ان هالنفقة ما تحصل عليها الا بعد المطالبات ورفع القضايا
واذا كان الزوج يخاف ربه اعطى النفقة بدون نقاش اما اذا كان ظالم فلا تحلم بها المطلقة
حتى ان الحريم الحين اذا بغت الطلاق وزوجها رفض ما تتطلق الا بفلووس !!! سبحان الله :mad:
يمكن الشي الوحيد اللي ينفع المطلقة هو الضمان الاجتماعي بعد الله !!
وهذا مجهود من الدوله وزكاة المواطنين الله يجزاهم الف خير
يمكن كلامي ما يعجب بعضكم بس والله هذا الواقع وهذا اللي اشوفه
الله لا يوريكم مكروه يااارب ويسخر لكم ازواجكم
اتمنى والله ان يتم دراسة اوضاع المطلقات بشكل جذري
في مجلس الشورى
واعطائها الحق الكامل في المسكن اذا طلقها زوجها وهي لا ترغب في الطلاق
واعطائها ايضا الحق الكامل في تربية اطفالها
والزام الزوج باعطاء النفقة بشكل منتظم واعطاء اطفاله وامهم اللي يكفيهم ويسد حاجتهم
الا اذا ارادت الزواج فهذا موضوع اخر
والله لو التفتو لهالموضوع ما نشوف حالات تشتت الاطفال من بيت لبيت
وقهر وظلم زوجة الاب
واشياء كثيرة انتم اعرف فيها:44:
وسلامتكم والله شي كان في نفسي وحبيت اعرضة عليكم كمجتمع نسائي واشوف ارائكم !!:)
sweet as candy @sweet_as_candy
محررة فضية
يلزم عليك تسجيل الدخول أولًا لكتابة تعليق.
ابيك تفهمني
•
كلامك صحيح
الصفحة الأخيرة