Analysis Services
النصب في أبشع صوره ..وحنا نشجعهم

.. نصيحه للكل .. شركات التجميل أورفليم وكولايا وفريدريك ام وافون وغيرها تقوم على استغلال الناس الاغبياء السذج وهم الكسبانين والمسكينه اللي تشترك بفلوس وتصير مندوبتهم ما لها الا التعب وربح ضئييييييل ما يسوى ابدا

يعني بالله عليكم في احد يقولك تعالي اشتغلي مندوبه وروجي بضاعتنا وادفعي فلوس للأشتراك؟ قد شفتوا نصب اكبر من كذا فوق انك تشتغلين لهم ياخذون منك فلوس ...وترا مكسبك في كل شي تبيعينه ما يتعدى ريالين او 3 ريال؟

ا لجئوا لها الحيل الخبيثه وهي استغلال الجهله من الناس..

ثاني شي تجيك المضحوك عليها المسكينه اللي طاحت في الفخ واشتغلت مندوبه عندهم تتعب وهي تسوق بضاعتهم واذا شافت انها ما استفادت يغرونها بحيله ثانيه اخبث واخبث ويقولون لها دخلي تحتك مندوبات يعني اعلني واطلبي مندوبات والللي تجيبينهم عن طريقك كل ما باعوا يصير لك نسبه من بيعهم عاد هي تفرح وتقوم تجمع مئات المندوبات وتعيد مسلسل النصب وما تدري انه حرام واكبر حرام لان هذل اسمه اكل اموال الناس بالباطل يا اختي فكري فيها شوي شيحلل لك تعب غيرك وبأي حق تاخذينه ؟ يعني هي تتتعب وتبيع وانتي تشاركينها في النسبه ؟ كيف تاكلين حرام؟ يا ناس تثقفوا شوي وأسألوا عن حكم اي شي تسوونه والا ما عاد صار يهمهكم هل كسبكم حرام ام حلال ؟

صدقوني اقول لكم هالكلام من واقع تجربه وحبيت احذر ...والله يغني الجميع عن هالنوع من التجاره والبيع ويرزقهم ا لرزق الحلال

يمكن تحذفون موضوعي لكن اللي علي سويته وما سكت عن الغلط اللي يغضب الله وحذرت وبرأت ذمتي أمام الله سبحانه والأن هو في ذمة اللي بتحذفه طلع من ذمتي .. ومشكورين
04-07-1432 هـ, 06:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أنا دايم افكر اكون مندوبه لاحدى الشركات
بس اتركها من باب دع ما يريبك الى ما لا يريبك
بس اذا انتي تقولين حرام وأكل أموال الناس بالباطل هل هو اجتهاد منك او نقلا عن مصادر الفتوى الموثوقه
عموما جزاك الله خير ع التنبيه وانا ضد ها
الله يغنينا بالحلال عن الحرام
04-07-1432 هـ, 08:20 مساءً
 
حقيقه انا دخلت بشركة فيدريك ام شركه من مديره الي العملين فيها xxxxxx كلهم بالرياض والشرقيه ومنتجتهم مضره لجسم والبشره _وشركة اورفليم شركه من مدريره الي العملين عليه xxxxxx وشركه نصبه للاسف لامنتجتهم ولا عطورتهم ..............
04-07-1432 هـ, 08:27 مساءً
 
اقتباس مشاركة  (عزبة الكشتة)
أنا دايم افكر اكون مندوبه لاحدى الشركات
بس اتركها من باب دع ما يريبك الى ما لا يريبك
بس اذا انتي تقولين حرام وأكل أموال الناس بالباطل هل هو اجتهاد منك او نقلا عن مصادر الفتوى الموثوقه
عموما جزاك الله خير ع التنبيه وانا ضد ها
الله يغنينا بالحلال عن الحرام

لا مو اجتهاد مني ارسلي لاي مفتي واشرحي له اللي قلته وهو بيرد عليك على طول..
04-07-1432 هـ, 08:34 مساءً
 
اقتباس مشاركة  (ام ندى 2008)
حقيقه انا دخلت بشركة فيدريك ام شركه من مديره الي العملين فيها xxxxxx كلهم بالرياض والشرقيه ومنتجتهم مضره لجسم والبشره _وشركة اورفليم شركه من مدريره الي العملين عليه xxxxxx وشركه نصبه للاسف لامنتجتهم ولا عطورتهم ..............
الله يرزقك بالحلال .. والنصب ماله جنسيه معينه فيه سعوديات يشتغلون فيها لكن حذري اللي تعرفينهم لا يقعون في فخ هالشركات
04-07-1432 هـ, 08:35 مساءً
 


الساعة الآن 04:05 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏