رفع لعيونك
رفع لعيونك
هذي طريقة ميني كباب
كنت نقلتها من هذا المنتدى أو من غيره
- صراحة ما أتذكر -
لأني أحفظ الوصفات عندي بملف ع الكمبيوتر
وارجع لها وقت الحاجه

اتفضلي - بس للأمانه ما جربتها -


ميني كباب
المقادير والطريقة :
كيلو لحم مفروم طازج
( استخدمت حاشي عشان الكوليسترول أقل)

اخلطيه مع ثلاث ملاعق زبده بحرارة الغرفه
( استخدمت الزبده الصغار ثلاث حبات )
ثم ضعيها في مصفاة

قطعي ثلاث بصلات متوسطة قطع صغيره جداً
( تقطيع وليس فرم )
واحمسيها على النار لين تنضج بدون ماتنحرق وضعيها على اللحم

ثم البهارات
( حطيت ملعقة صغيرة بهار إسناد مشكل وملعقة صغيره
مهران كاري وملعقة من بهار البيت وملعقة فلفل أسود وملعقة كمون
وملعقة سماق كلها ملاعق حلا صغيره )

وأضيفي ملح

في الخلاط هاتي حبتين صامولي وملا قبضة اليد بقدونس مغسول
وافرميهم وحطيهم عليه

ثم
( نص علبة زبادي وفصين ثوم افرميهم لحد مايختفي الثوم في
الزبادي ثم حطيه على اللحم )
اعجنيها مع بعض واتركيها نص ساعه

ثم شكليها بشكل كباب صغير ( تقريباً طول الأصبع الصغير)
حطيها في صينية مدهونه ثم في الفرن
بتلاحظين فقاعات تطلع ثم شوي شوي ينزل مويه لاتشيلينها اتركيها
راح تنشف المويه ثم يتحمر تحت ويتماسك سطحها حمريها وطلعيها
اذا حابه ريحة الفحم حطي فنجال زيت وطي فيه فحمة مولعه وغطي
عليهم في حافظة لحد مايتشرب الريحه .

للعروض و كل جديد تابعوا متجر ملكة الليل :
instagram: @NQ_SHOP
Snapchat : NQ_SHOP
twitter : @NIGHT_Q
رفع لعيونك




















الساعة الآن 09:32 .