السلام عليكم ورحمة الله

اختي الغالية
اول شي الله يوفقج
ويرزقج الرزق الحلال


ثانيا الغالية
اللبس الثاني والخامس اللي حاطتنه
واللي هو لبس الممرضات
فاللبس عليه (((((((( صليب ))))))))
ومايجوز نتاجر بهالاشياء
والفلوس اللي بناخذها يمكن تكون حرام

لأن الواجب علينا إنا نطمس الصليب يوم نشوفه
مب انا نروح نبيعه على المسلمين

يمكن الكل يوقللي انه عبارة عن إشارة زائد!!
بس اقولكم انهم يسمون هالعلامة : "الصليب الأحمر"
وهي معروفة دولياً بهالاسم
معناها ان الإشارة صليب


حبيبتي يمكن انتي ما انتبهتي لهالموضوع
ويمكن غفلتي عنه وحبيت انبهج

اتمنى اني ما سببتلج اي احراج
وانا حطيت ردي عالعام عشان البنات ينتبهون لهالنقطة وما يشترون مثل هالاشياء

اتمنى انج تحذفين الصور بأسرع وقت
وانا بدوري اذا شفتج مسحتي الصور
بمسح ردي هذا عشان ما يكون فيه اي احراج لج

مع محبتي
أم عبدالله
24-03-1426 هـ, 01:50 صباحاً
 
مشكورين يا بنت على الردود

أختي الطير المهاجر اولأ صج ماكنت منتبهه
ثانين تدرين بنيتي موب شينة
والحين انا عندي بضاعة يعني اقطعا بزبالة ؟؟
الحمدلله اللي يبي يشتري لغرض مو أغراض دينية
وأنا اعتذر وماراح ايب بضاعة مثلها وحقج علي
والبنات اذا بيطلبون لا تطبونه
اساس اول طلبية بالمنتدى وكانت على الملابس
اللي علقتي عليهم عموما الله كريم
والسموحة
24-03-1426 هـ, 03:28 مساءً
 
هلا اختي

انا آسفة على كلامي
بس الغالية كان لازم انبه على الموضوع
لانا مأمورين بطمس الصلبان يوم نشوفها

شوفي الغالية
اذا عندج خبرة بسيطة فالفنون والرسم ممكن تغيرين الشكل من صليب الى هلال
عشان تتجنبين هالاشياء
ممكن تاخذين الوان القماش وتلونين باللون الابيض على الرسمة كاملة
وبعدين تحددين شكل الهلال داخلها
وتلونين باقي الدائرة باللون الاحمر
وبجي بتكونين طمستي الصليب بطريقة مرتبة
وما بتتشوه القطعة

والغالية
صح انتي اشتريتيه بدون ما تنتبهين بس الحين انتي عرفتي الحكم وعرفتي انه ما يجوز تبيعينه
ومن ترك شيئاً لله عوضه الله خيرا منه
والسموحة
24-03-1426 هـ, 05:49 مساءً
 


الساعة الآن 04:35 .