مشكورة اختي على الموضوع

والله الاسعار تختلف وانا الصراحة اشجع بنات البلاد حتا لو 1000 درهم

اما اللبنانيات وغيرهم الصراحة ليش اشطر عن المواطنات ولا كيف؟؟؟
شجعوا بنات البلاد
شمسة المهيري
للصناديق العطـــــــــور ات والمخلطات العربية
دبي
جميرا
أنا يوم عرست .. حطتلي وحده مواطنة وكان ذيج الأيام مكياجها روعة وهي التوب ... وعرسي كان قبل 3 سنوات ... مش لازم نذكر أسامي ... لكن كانت توها على الساحة ... وسوتلي فقط ب 1200 درهم وأنا كنت عروس ....!!!!!
ولما ظهرت على الناس واااااااااااااا اااو ما تم حد ما سألني من حطلج المكياج ؟!!؟

ألحين البنت هذي أسعارها من 3000 وفوق !!!
وغيرها من البنات ... وحده ثانية مكياجها أيضا روعة ... لكن نفس الأسعر ... لا تقل عن 3000 درهم ....
مادري يمكن هم يبون يشدون طبقة معينة من الزباين ... يعني اللي يرفع أسعاره بالطريقة هذي يعني يريد يكسب زباين الطبقة الراقية فقط ..... دون عامة الشعب ...
إذا كان فعلا هذا هدفهم فأنا أشجعهم .... حلو بعد لما يختلطون بسيدات المجتمع والطبقة الراقية ...والأحلى أيضا لما يكون لسيدات المجتمع الراقي خبيرات مكياج مواطنات ...
حلو إن الانسان يرقى بنفسه .....

وبالنسبة لباقي خبيرات التجميل ... فأسعارهن أوكي .. تناسبني جداااا

وأحب لو يستمرون على هذا الطريق وهذي الأسعار .. لأن الصراحة هو أولا وأخيرا مكياج مثل ما قالوا البنات ساعتين وينمسح ... ما يسوى كل هالمبلغ ...
والربح القليل مبارك فيه ...
بالاضافة إلى الطبقة المتوسطة من الناس أكثر من الطبقة الغنية .... ففكري بالأكثرية وأذواقهم .. ومستوى دخلهم وديونهم ... مالهم حق يعني يحطون مكياج ؟؟

وآخر شي أريدكم تحسبونها معاي .. لو كل عرس .. مكياج ب 1000 درهم ... فستان ب 3000 و4000 درهم .... تكرمون جوتي يديد ب 500 درهم .. وذهب ب .. مادري كم درهم ...

وووووو مسكين اللي بيدفع ...


والسموحة
أشكر صاحبة الموضوع على الطرح

السالفه مب سالفة ان البنت تربح ولا ما تربح

السالفه سالفة ميزانيه ، يعني فعلا الحرمه إللي ماتشتغل أمثالنا وتاخذ مصروفها من أبو العيال بيدفع على الثياب ما أعرف كم ، والحنا ، وعلى المكياج ما أعرف بعد كم وبخاصه في الصيف يكون في الشهر الواحد كذا عرس ، يعني السالفه يبغيلها ميزانيه عدله ، أعرف بنات يشتغلن رواتبهن كلها على الصالونات ليش لأن الأسعار غاليه

والبنات إللي يشتغلن من البيت بعد الأسعار نفس الشي ، المفروض يراعون عالأقل الزباين الدائمين هذا من وجهت نظري ، والحمدلله اني أتمكيج بروحي ، بصراحه ليش أدفع المئات على شان مكياج ينمسح بعد ساعتين أو ثلاث ، هالكلام ينطبق على إللي ماعندها وإللي عندهم خير بكيفهم يدفعون الآلاف ما بيأثر على الميزانيه
السلام عليكم ..... اشكرج يالغالية على طرح الموضوع الحلو ..... اخواتي الغاليات... بنات البلاد اولا من الغريب وانا ما اقول جي لاني انا مواطنه او اني امكيج لا بالعكس والله العظيم انه لو بتسرين اي مكان او اي صالون او وحدة تمكيج للبيت بتشوفين اسعارهم نار خصوصن الوافدات بالمقارنه فينا نحن المواطنات مثلا جويل 700
دولا 400 ويا فصوص وبدون 350 رندة وساميه ولميس 300 العادي وفييه سبشل وتتعمد تقولج العادي بدون وبدون وبدون عساس تسوين سبشل وتدفعج اكثر واخر شي يكون العاددي والسبشل كله واحد عروس الخليج جيتا 700 مكياج خاص واذا تبين العادي عند اي وحده الله يعلم شو بتخبص في ويهج 120 مندون رموش برموش 170 وعاد اتريي دووورج لييين يظربج صداع وتكنسليين روحه العرس ... يعني نحن نوفر عليكم الروحه والييه مالت الصالون وتكونيين مرتاحه وانييب لكم وحده تسويلكم شعركم فالبيت يعني واذا شي ماعيبج بنظبطه على ذووقج ومانطلع الا وانتي راضيه 100% والله يا بانات اني ماقص عليكم اني قبل كم يوم كنت سايرة عند وحدة الله يحفظها من بنات المنتدى وقالت لي انه كان عندهم مناسبة قريب وانها يابت وحدة معروووفه من دون ذكر اسماء تمكيجها وافدة والله قالت ليي اني دفعت لها الفلوس وعقب ما طلعت سرت غسلته وقالت حتى مالت الشعر تمت تشد شعوور البنات يعني ليش كل هذا لانها ماخذه زباين غييير وماتبى تتاخر عليهم .. والنتييييجه ضاعت فلوس الحرمه على الفاضي ..... يعني اللي بتدفعيينه للصالون او للوافدة نفس اللي بتدفعيينه للمواطنه بنت بلادج وهب خسارة اب صراحة ... وثانيا عسب المكياج اللي تقولون عنه مايخلص انا معاكم الايشدو يخلص ومب غالي لاكن انتوا مافكرتوا بالاساس ولازم كل مرة تجددين وتشترييين احدث الاشياء او وسيلة التنقل والتعب وبعديين في اشياء وايد تستهلك ولازم (الايشدوهات) الوان معينه ........... انا بس حبيت اوضح النقطة للبنات اللي مستغليين السعر وعلى العمووم كل حد ومقدوورة ووالله محد ياخذ المكياج اللي 3000 و4000 الا الوافدات وانا اسعاري معروفة مكياجي كله سبشل اب 250 ويا رموش والملجه 700 والعروس 1250 واظن اسعاري مناسبة والسمووحة
بنات لنا اتكلم عن نفسي طبعا

والله مب قصدي أزعلكم او احاسبكم على ها البيزات تراهن يروحن وربكن لي يبارك

ف الباجي

منو قال ما نشجعكن الا نشجعكن ونص بس

يعني انتن ارحم وايد عن حد ما يعرف شو يناسب بشرتنا واسلوبنا

وانا رايي انكن ترخصن هذا مجرد رأي لا أكثر




الساعة الآن 11:19 .