خواتي بس بغيت اوضح اني انا مب ضد بنات البلاد وانا اشجهم بس النقطه اللي انا حبيت اوضحها ان الاسعار متشابه بين الصالونات وبين المواطنات اللي يمكيجون في البيوت مع ان المفروض اللي يحطون المكياج من البيوت اسعارهم اتكون ارخص لان ما عليهم دفع ايجار المحل واجراءات الرخصه وفواتير الماي والكهربا ولا عندها عاملات تضر تدفع لهم راتب
واحنا انشجع المواطنات وهم المفروض يكونون ادرى بوضع بنات بلادها وغلاء المعيشه وتكاليف تجهيز العرس
وهذا مجرد راي ومحد يزعل لان الحق ما ينزعل منه
25-03-1426 هـ, 08:47 مساءً
 
والله يا خواتي لا زعل ولا شي بس الغالية يعني الصوالين عندهم دخل جاري يعني ..... يعني مب بس مكياج في خدمات ثانيه .... لاكن نحن بس مكياج ونرووح للبيت ودخلنا مب مضمون يعني مرات تمكيجين فالاسبوع 3 او اربع ومرات ولا وحدة اما الصالون كل يوم يدخل فا ما اظن في مشكلة لو دفعت كهربا وماي واللي منه وصدقيني لو هم مب مستفيديين جان سكروا صوالينهم بعطييج مثال على صالون ف يوم واحد يدخل 50 الف واللي هو عروس الخليج بس في يوم الخميس تدخل 50 الف يعني بتهتم هي اف ماي او كهربه .. والسمووحة
26-03-1426 هـ, 12:03 صباحاً
 
والله الصراحه انا ماشوف اي تشجيع منكم يا بنات

مع انكم مستعدين تدفعون لفلانه وعلانه عادي

اما احنا لا!!

القهر ان في وحده من البنات الي هني كنسلت الحجز عشان وحده عراقيه !! ما استصغرها بس عيب الي سوته عطلتني واخر شي قالت لي والله كنا نبي نحجز عن فلانه العراقيه بس كانت مسافره والحين رجعت!!

ماشاء الله عليكم والله انكم تشجعوونا بطريقه حلووووه
26-03-1426 هـ, 05:58 صباحاً
 
السلام عليكم ورحمة الله
أحس انه كلام اختنا الغزيل مقنع جداً

خصوصاً انها تروح للزبونة لحد بيتها وعلى حسابها
وانتوا احسبوا اذا حد من الصوالين ياكم البيت كم بياخذ؟
اذا اسعارهم 250 درهم على المكياج الاسبشل
الصراحة السعر وايد مناسب
لانها مثل ما قلت تروح لحد البيت

وهذا غير الكميات الكبيرة من انواع الآيشدوهات وكريمات الاساس والبودرات والكونسيلرز وغيرها من الألوان اللي لازم تناسب بشرة الزبونة
يعني كمية الميك أب اللي بيشتريها الصالون بكبره لازم يكون متوفر عند البنت اللي بتمكيج
وهذا بروحه يباله ميزانية
غير المواصلات

وبعدين شغلهم مب مضمون
مرات ايونها زباين
ومرات ركوووود
خصوصاً انهم معتمدين عالمكياج بس في شغلهم

سبحان الله كنت فالبداية اول ما قريت الموضوع قلت صح كلامها
وبعدين يوم قريت رد اختنا الغزيل فكرت فالموضوع واقتنعت بكلامها

هاي وجهة نظري
والسموحة
26-03-1426 هـ, 07:02 صباحاً
 
بس نسيت انبه على نقطة وهي :

""تركيب الرموش ""

بنات يزاكم الله خير اللي يمكيجن واللي يتمكيجن
ما يجوز تركبن رموش حتى لو كانت مؤقتة
لان مثلها مثل توصيل الشعر او الباروكة

ومعروف حديث رسول الله صلى الله عليه وسلم :
(لعن الله الواصلة والمستوصلة، والواشمة والمستوشمة). صحيح البخاري الجامع الصحيح 5933


ورواية اخرى:
"أن امرأة جاءت إلى رسول الله صلى الله عليه وسلم فقالت : إني أنكحت ابنتي، ثم أصابها شكوى، فتمزق رأسها، وزوجها يستحثني بها، أفأصل رأسها؟ فسب رسول الله صلى الله عليه وسلم : الواصلة والمستوصلة".
صحيح البخاري الجامع الصحيح 5935

فالبنت هاي كانت تشكو من مرض في رأسها ولم يأذن لها النبي عليه الصلاة والسلام
وليست كالتي تصل للتزين
فهذي من باب اولى انه يكون محرم عليها


فاتقوا اللعن اخواتي في الله
واللعن هو الطرد من رحمة الله

ومنو منا يقدر يتحمل الطرد من رحمة الله على شي مايسوى؟؟!!
واذا طردنا الله سبحانه من رحمته فمن بيرحمنا؟!
والسموحة
26-03-1426 هـ, 07:08 صباحاً
 


الساعة الآن 12:35 .