السلام عليكم ورحمته الله وبركاته
جمعه مباركه على الجميع



أنا زوجي يعشق القهوه
بس المشكله انا مااضبطها >>بالعربي مااعرف ازينها
كل ما طلب قهوه دقيت ع امي علشان اسئلها كيف ازينها>> بس أخذ منهاانواع اتهزي
لا تضحكون علي

ابي منكم تقولون لي طريقة قهوه مضبوطه علشان تعجب زوجي
واذاراحت الصيفيه ازينها لامي


لاتنسون قرات سورة الكهف والصلاه على النبي
اللهم صلي وسلم ع نبينا محمد

القهوة اولا واخيرا تعتمد على حمسة البن
ي قلبي السر ف نجاح القهوة
نوع البن الي تختارينه<<لازم يكون من أجود الأنواع
أتوقع الهرري<<خبرة

ثاني شي خليها تطبخ ع النار ربع ساعة أو أكثر
وحطي ملعقتين صغيرة هيل ف الثلاجة
وصبي القهوة عليها

وحسب الرغبهـ اذا تبين حطي خلطة القصيم
فيه ناس تفضلها

وهنا وعافيهـ
54056637cx81-001
حبيبتي كنت زيك ما اعرف اسوي قهوة

لين صرت اعشقها

كنت اول ما اسوي قهوة إلا إذا جاء احد او عزيمه لين يصير البن قديم وياخذ طعم الكيس أو العلبة اللي هو فيها


البن الحلو عندك بن هرري متوسط إذا ما تثقين في المحل خليه يحمسه أو يطحنه قدامك

ويحط عليه شيبه و مستكه

بعدين اشتري خلطة القصيم

بالنسبة لبراد القهوة اللي عندك غيريه إذا كان قديم احياناً يكون هو السببب


بالنسبة للمقادير


إذا كان البراد وسط 2 ونص ملعقه بن + ملعقه خلطة القصيم
ابشري ياعيني
اول شي لازم تكون نوعية القهوة زينه خلي زوجك يشتريها من عطار ثقه
بعدين حطي مويه في ابريق القهوه على النار لين تغلي وحطي عليه فنجال قهوه مطحونه وملعقه صغيره مسمار مطحون وملعقه صغيره من خلطة القصيم وقصري على النار وخليها مدة 10 دقايق بعدين جيبي ثلاجة القهوه وحطي فيها 3 ملاعق ص هيل وصبي القهوه وبث
وبالعافيه ادعيلي بتفريج همي
وصبي القهوه


الساعة الآن 10:48 .