اذا قالك احد كل تبن ! ..

لا تزعل

::
::
::
لان التبن حلا قمه في الروعه
الاسم لك عليه شوي
::
::
::
الطريقه الأولى <<حقتي عشان الكسل ... هههههه
:: المقادير ::

بسكوت ( اولكر او هلال )
علبة قشطه
بياله شاهي سكر
نص فنجال زيت
3 ملاعق حليب بودره
3 ملاعق شوكلاته بودره
نستله
شعيريه باكستانيه


:: الطريقه ::

1 / نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..

2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره.. >> لازم ثلاث ارباع غيرة تخرب الطبخه



3 / نغمس البسكوت بالخلطه اللي سويناها قبل >>> ركزو زين عشان تطبقون



ونسويه ثلاث طبقات زي كذا ..>> لازم بعد ثلاث طبقات طبقتين مايصلح



طيب بعد مانسوي الكميه اللي قصيناها من البسكوت وخلصنا ....
نحطهم بالفريزر لمده ماتقل عن ساعه عشان تجمد الشكولاته وتتماسك ....

4 / نكسر الشعيريه الباكستانيه كسر صغيره مرره ونحمسها ع النار لحد ماتتشقر ....

5 / نطلع البسكوت من الفريزر ونغمسه بالنستله وبعدين يقلب بالشعيريه



نجي عاد لطريقة التقديم

نقصص من خيشة الرز او خيشة القهوه حبال زي اللي با لصوره لانه راح نستخدمهم بربط مربعات الحلا ....
( ماننسى اذا قصيناهم نغسلهم ) >> اللي مسوي ذا الموضوع نظيف



ناخذ الحبال ونربط فيهم المربعات ويطلع عندنا الشكل التالي



ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد ..>> وش السالفه ؟؟



ونرص الحلى فيها

وبطلع عاد للشكل النهائي



________________()())())()________________

تجي الان للطريقة الثانيه ,,<<تتعب هههههههههه

_المقادير_

*كيس خبز توست
*[ظرف دريم ويب +علبه قشطه+ظرف كريمه ]

*جوز هند
*حليب محلى مركز( نستله )

_الطريقه _

-اول شي نبدأ بتقطيع خبر التوست وقيل الصوره أحسن من الف كلمه <==ياشين الي مايعرف يشرح بعد



-بعد كذا نحضر الحشوه الي بتكون بين طبقات التوست



[هذي ظرف الدريم ويب +علبه القشطه+وظرف الكريمه ]

مدري عاد اذا فيه احد مثلي اجلس ارتب وانا احط المواد بالخلاط اشوف يمكن يطلع شي يشبه الرسم بالرمل <==مرررريضه

لاجد شوفوا الابيض جبل مغطى بالثلج والاصفر الي وراه ذي الشمس والقشطه ذي الي قلب لونها اصفر تحسون انها منيب مكمله اخاف محد يكمل الموضوع من القرف الي بقوله

اي نكمل بعد ماكسرنا الجبل اقصد خلطنا المكونات ياحرام ماعاد فيه ملامح



-وخلطنا المكونات مع بعض وانا وقف مخي عن التفكير الي ماله داعي

-والحين نجهز جوز الهند



-نجي هالحين لاهم خطوه <==خاشه جو ذا المريضه انه شي صعب الموهم عطوني جوي بكشخ مسويه حلا

نركب الطبقات على بعض زي الي بالصوره <==والله لو اشرح كان لعت تسبودكم مير الحمدلله الي خلق الله الصور



1- نجيب قطعه توست
2- نضع عليها من الخلطه حقه الجبل
3- نطبق عليها بقطعه توست ثانيه
4- نفس الخطوه 2
5- نطبق عليها بتوست ثالثه
6- نغمسها بنستله واحسن لو تخففين النستله بشوي مويه وبعد كذا تغطينه بجوز الهند .,.

**هالحين خلص الحلا بس عشان يصير تبن كيوت صدقي لازم تحزمينه <==نسبه الى كلمه حزم للي مافهمها يعني تربطينها بشي انا استخدمت هالخامه وقصيتها صغار صغار



-بالنهايه بيطلع شكله زي كذا



,,اتمنى عجبكم وانه ينال لو شي بسيط من راضكم ,,
09-07-1432 هـ, 03:47 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يعطيك العافية

بس ماكو صور
09-07-1432 هـ, 03:59 صباحاً
 
يعطيك العافية
بس حلاتة بصورة
اوعدينا انك تسوينة وتطلعين الصورة
مشكوووووووووووووووووووووووووووووووووووورة
09-07-1432 هـ, 04:09 صباحاً
 
يعطيك العافيه

بس عندي ملاحظه على اسم الحلى مايجوز نهين النعمه اتمنى انك تغييرين الاسم


دمتي بود
09-07-1432 هـ, 04:15 صباحاً
 
الاسم ماله داعي
يعطيك العافيه
09-07-1432 هـ, 04:18 صباحاً
 


الساعة الآن 02:44 .