كل أم لطالبه بالابتدائي تتفضل وكمان معلمات الابتدائي

كيفكم ياأحلى حوائيات

موعارفه وش أقول والله من زود ماني مغتبنه وقلت افضفض لكم وأخذ رايكم وخصوصا أمهات ثاني ابتدائي والمعلمات
اليوم رحت آخذ نتيجة بنتي وهي ماشاءالله عليها ممتازه ودائما تاخذ واحد بكل المواد وبالفتره الأخيره غيرو معلمتهم الرياضيات وانصدمت اليوم انها حاطه لبنتي اثنين بس عشانها ماأتقنت مهارة السعة على قولتها..الحين البنت أتقنت كل المهارات وعشان مهاره وحده تنزليها ..‏ لا وفوق هذا كله مافي أي ذوق ومراعاة لمشاعر الطفله..بنات عمها عندهم ثلاث مواد أخذن فيهن اثنين واعطتهم معلمتهم شهادات تفوق وهدايا مغلفه وش زينهم..وبنتي بس ماده وحده اثنين وفوق انها ظلمتها فيها ماكلفت على نفسها تعطيها شهادة تقدير..والله إني مره اغتبنت والحمدالله إني رحت لحالي بدون بنتي والله لو كانت بنتي معي كانت أكيد بتغتبن مثلي لما تشوف بنات عمها حاملات الهدايا وشهادات التقدير..تدرون وش سويت يابنات نسخت الشهاده وحطيت لبنتي بمادة الرياضيات واحد وصلحت لها شهادة تفوق بالكمبيوتر ماودي أنغص عليها فرحتها وأكسر قلبها وابوها راح اشترى لها هديه وانتظرها تصحى من النوم عشان أفرحها بس والله يابنات من داخلي قلبي مكسور وحاسه بالظلم ..حسبي الله ونعم الوكيل..أمانه انت تشوفو من العدل انها تحط لبنتي اثنين عشان مهاره وحده وبنتي اساسا من المتفوقات وتعاملها كذا‏?‏ اجبرو بخاطري وواسوني من جد متضايقه أتعب معاها حيل طول السنه واتعبها وبالنهايه تجي هالمعلمه وتصدمني كذا‏?‏
وهل تنصحوني أكلم المدرسه بكره والا اسكت‏?‏‏?‏

‏*‏‏*‏‏*‏خواتي الي سألو ان كانت المعلمه أعطتها ملاحظه على المهاره من قبل أولا؟
لا ابدا ماأعطتها ملاحظه من قبل وهذا الي قاهرني زووود