وشو؟

لالالا

نصيحه لوجه الله

هوني عن الفكر اذا م كان عندتس احد يتكفل ب هالشغله

انتي تتكلمين عن الغنم وتقولين وش نوع الضان ذكرتيني ب ( هايدي وبيتر)

وكنتس تتكلمين عن نوع بلوزه ولا بنطلون

ترا شغلة الغنم مو سهله ابد ابد ابد ابد

ممكن تخسرين كل راس مالتس

ل سبب بسيط جداً وهو انوه سلمتس الله

الطليان تموت

ف اليوم 4 5

والطلي تأخذينه مثلاً ع 1200 ب راس ماله

ولو ل قدر الله اخذتي عشره روس

وراحت عليتس ب تجيتس صدمه نفسيه

الغنم مو لعبه خصوصاً انتس تقولين ا بستأجر زربه رخيصه واحط لها عامل

طيب اذا جبتي سوداني عجاز مافيه حيل يقوم يعلف ويسقي

وانتي ع بالتس هالسوداني متكفل بها وهو م حولك احد

ب الله وش ب تسوين؟

صنعة الغنم يبي لها احد يباريها يومياً

وهو يكون واقف عليها م ينفع قولة هندي وراعي وصبي

والله ب تندمين

بعدين اقل شيء راس المال ل مشروع الغنم 30 الف ك حد ادنى

لانوه انتي ب تأخذين وتربينها لين الموسم

ف ماظنتي عشره ب قيمة 15 الف تغنيتس م تسوى عليتس ولا يسوى الربح

ف والله هالكلام ل مصلحتس الغنم فيها ملاين وخير من الله ماشاءالله

بس م يبي له حريم صراحه لان الحريم مهن داريات

يبي لها واحد يكرف فيها لين م يسود من الشموس

هذي غنم ب حزه تروح عليتس ويموت كم راس وتخسرين

ب الاضافه الا ان الصبي م يأخذ 1000

هالايام ان ماصكيتي 1500 انسي

والشعير والبرسيم غالي ب يأخذ ميزانيه

ف اخزي بليس وخليتس من هالشغله اللي والله لو مشيتي فيها ب تندمين




21-07-1432 هـ, 04:37 صباحاً
 
الف شكر اختي ضيم السنين وجزاك الله خير
بس انا ماني متكفله بالمشروع عندي زوجي يساعد وزوج بنتي الله يوفقهم واخوي هوالمسؤؤل عن المشروع والمتكفل به
وراح يشرف عليه من الي وله نسبة25%
والموت علمه عندالله بس انا حاطه نسبه لطبيب البيطري لو انتشر مرض نعالجها
واحنا من عائله بدو كلهم متعدين علي الغنم وتربيتها
والبرسيم والشعير صحيح غااااااليه بس الغنم لما تكرمينها وتسمنينها تجيب الضعف
عموما هي تجربه نجحت استمرينا مانجحت عرضناها للبيع جمله ورجعنا فلوسنا وهي مافيها خساااااره باذن الله
21-07-1432 هـ, 11:59 صباحاً
 
موفقه ياغلا
حبيت افيدك بافكار مشاريع<<
مدرسه تحفيظ القران
عمل دورات لتعليم المكياج فن تجميل
عمل دورات لتعليم خياطه
عمل دورات لتعليم الحاسب والانقلش
-----------------------------
اهم تجيبين متخصصه ممتازه في اي من هاذي افكار وتشارك اي مشروع اخترتيه مثلا
دورات مكياج<<<كوافيره
دورات خياطه<<خياطه
دورات تحفيظ قران<<حافظه القران بالتجويد
دورات انقلش<<مدرسه انقلش خبره عاليه
تقمينها في مركز تجاري نسائي
او في مشاغل

اي فكره من مشروع سواء منك او مني
تجارتها راابحه اذا كانت تحت تعاليم اسلام
بالتوفيق ياغلا
اي استفسار راسليني على خااص
21-07-1432 هـ, 12:28 مساءً
 
مشكووووره عيون نمله مشاريع ممتازه بس المكان صعب يتوفر
21-07-1432 هـ, 04:26 مساءً
 
اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك**
*وبارك اللهم على سيدنا محمد صلى الله عليه وسلم
21-07-1432 هـ, 06:42 مساءً
 


الساعة الآن 09:54 .