السلام عليكم

اخواتي لحقوني .. انا انتقلت من فتره بسيطه .. وتعرفوا علي بعض الجيران ما قصروا.. بس المشكله انهم يتجمعون من غير موعد ويعملون زيارات صبحيه

هنا المشكله عمري ما استقبلت احد في الصبح ولا زرت احد .. واستحي اقول لهم اتصلوا خبروني اولا ...والمشكله الثانيه ايام انام الصبح لاني ما انام بالليل زين

المهم شو اقدم ليهم في الصباح ياريت الي يعملون جلسات صبحيه يخبروني من تجاربهم... وبعدين كيف استعد وكيف اتصرف يعني كيف اقوم بواجب الضيافه وانتم تعرفون البيوت اوقات عامره ووقات ما فيها شي

ساعدوني الله يخليكم
والله نفس مشكلتنا ..ما أحب الزيارات بدون موعد ..

بس إحنا لما تجي جارتنا الصبح ..نتريق (نفطر )مع بعض ..يعني الفطور العادي ..
أو ممكن معجناااااات ..وأنواع الخبز بالزعتر أو الجبن ..أو الأعجة بالبيض ..مع شاي بحليب ..
او شاي بالنعناع
اختى اول شى لازم يكون عندك اشياء مثلجه فى الفريزر علشان اذا كلموكى تكونى جاهز عندك ويمكن تسوى معمول ويحفط فتره يقدم قهوه شاى نعناع . يمكن تسوى مطبق بعجنه السبوسه صغيره ويحمر ويثلج ويستخدم وقت الحاجه .
اذا احنا اجتمعنا نحط زيتون اجبان وانواع المربه ولبنه ومكدوس لن بعض الجيران مثل الاهل واكثر
بما اني انتقلت جديد ايضا مثل حالاتك و تصيبني هالامور و الزنقات
ان كان على عشاء مفاجيء او جلسات الضحى او العصر

اذا كان ع الصبح اركز على المعجنات
ممكن تسوي بيتزا حجم صغير و تسويه من تحت فقط و ترتبيه في وعاء بعد مايبرد و تخليه بالفريزر و تطلعيه وقت اللزوم و تسخنيه
او تلفي سمبوسك و تخزنيه

ايضا ممكن تخلي الشغاله تسوي بنكيك ع السريع مع اللبنه و العسل و الزعتر و زيت الزيتون رهيب

احتفظى ببعض العلب من البسكويت و بعض انواع المكسرات
و او اشترى علب الفواكة المشكله تفيد للزنقات
قدمى عصير فواكة طازجه او صينية فواكة

حاولى يكون عندك هالاشياء اللي ماتخرب عشان تعينك على الزيارات المفاجئة و المحرجه

بالنسبه للنوم نامي الصبح لكن حطي لك وقت محدد تصحي فيه
مثلا نامي للساعه 9 و اصحي
بيكون جدامش متسع من الوقت لعمل كل شي
أختي : أعزميهم أنت ( بدل الزيارة المفاجئة )
و عندك ( جاتوه ريفان ) كشخة و ذوق وتوي مسويته لجيراني و طلع كأنه جاهز

كمان شوية ( بف باستري ) محشية لحم مفروم ( حق السمبوسة ) و فلفل مخلل و شوية بقدونس و شوية مايونيز أفرديها و قطعيها مربعات و ضعي الخلطة بالوسط , اجمعي أطراف المربع ( مثل فطائر السبانخ )


خلية بالفلادلفيا

قهوة و شاهي و عصير

و الحمد لله رب العالمين

يالله فرج همي يالله و هم المسلمين


ربي اغفر للمسلمين والمسلمات والمؤمنين والمؤمنات الاحياء منهم والاموات


الساعة الآن 01:03 .