حد عنده طريقه الخمير الاصلي الاماراتى ؟ يساعدنا بكتابه المفادير
والله يالغالية أنا اروحي ادور عليه وللاسف محد ساااعدني .. امشالله يردون عليج ونستفيد ..
الغاليه هالوصفه من كتاب الطبخ الميسر

الخمير

المقادير للوصفه الاولى:
3 كاس طحين ابيض
3 كاس طحين احمر
2 فنجان سكر
2 م خميره
6 م حليب بودره
نص كاس زيت
بيضتين
1 م ملح
ماء للعجن

المقادير للوصفه الثانيه:
3 كاس طحين ابيض
ثلاث ارباع كاس حليب بودره
ربع كاس زيت
فنجان سكر
م خميره
واحد ونص كاس ماء


الطريقة:

نعجن جميع المقادير مع بعض وتكون العجينه لينه نوعا ما وان لا تكون يابسه وتترك لتختمر مدة ساعه

نكور العجينه كور بحجم البرتقال وتغطى

ناخذ كل كوره ونرقها دائري ونضعها على القدر من فوق (الحله الفلسطينيه على الكهرباء او حلة الخمير) وعندما تحمر من تحت ندهنها بالبيض ونرشها بالكمون الحبه والحبه السوداء والسمسم (يفضل خلطه مسبقا مع بعض) ثم ندخلها في القدر من الداخل حتى تنتفخ وتحمر ثم نخرجها وندهنها بقليل من السمن الاماراتي وهكذا مع الباقي ويقدم مع الدبس والجبن على الافطار



اذا مب هالطريقه اللي تبينها بنشدلج الوالده تعطيني المقادير بالتفصيل بس احلى شي مع الخمير هي عصيدة البيض اللي مع الدبس رووووووووووعه


الساعة الآن 10:36 .