Analysis Services
السلام عليكم ورحمة الله وبركاتة..
عزيزاتي بنات حواء..
أتمنى أنكم تساعدوني..
أنا متزوجة من سنتين و7 شهور ولارزقت بأطفال.. واهلي كانوا يمرون بظروف صعبه واخوي الكبير توظف قبل ثلاث شهور وقال لزوجي مارتحت بالوظيفه وقرر انه يتركها وقاله زوجي بكيفك ..وللأسف فهم ابوي انه زوجي اللي محرضه يتركها وفهم بعد ان زوجي يسهره برا ولايرجعه الا اخر الليل..ا!!!!طبعا اهلي قبل اتزوج قد كانوا يستهزأون بأهل زوجي بأنهم بخلاء وسمرر وغيررره..وشفت العكس يوم تزوجت كلامهم كله كذب بكذب..وأهل زوجي نااااااس فيهم دين..ومستواهم المادي جيد جدا والى الان اهلي مايشوفون اهل زوجي شي..!!لكن الله المستعان..أبوي تغير علي تغيرت تصرفاته مع زوجي صاير يتهم زوجي بأشياء مو فيهـ ..بهتاااااااااان واااااااضح أبوي قاعد يظلم زوجي...راح وتكلم علي وقال:أنتي ماتستحون على دمكم جايينا كل شوي من ديرتكم طبعا اجيهم من مسافه بعيده ولاقدروا تعبنا انا وزوجي ومعزتنا ومحبتنا لهم!!!وقام ابوي يتكلم على زوجي انت اللي ضيعت ولدي وانت اللي سهرته انت ماتتستحي..!!أنا أنصدمت وهو كذلك..السبب اللي خلا اخوي يترك الوظيفه ان اخوي مو قد المسؤليه ووشو له ابوي يتهم زوجي ويظلمه..رد زوجي وقال والله انا ماسحبت ولدك بإذنه ..وبعدين برغبه منه هو ترك الوظيفهـ..!!أصر أبوي أن زوجي هو الغلطان حسيت ان ابوي يبي يسوي مشكلهـ ..وجاني أبوي انا كنت داخل وجاني فرحان وقال تكلمت عليه<<كنه منتصر في معركهـ<<قلت بالله!!!وليه تظلمهـ هو ماسوا فيكم شي ولاتدخل بأخوي.!واخوي فوق كذا دافع مع ابوي ياليته قال الصدق ...!قال ابوي اصلا انتوا ماتستحون ..وازواج اخواتي الثانيات منتهين اللي كان ياكل حبوب وتعالج..وكلما جا زوجها عند اهلي سكر عليه الباب وقام يدخن ومنعزل واثار الحبوب والخرابيط واضحه عليهـ ماقد راحت منهـ الله يشفيه بس..عكس زوجي مايدخن ولاشي بالعكس يحب ابوي ويجلس معه ومحترم مره معه ..وطبعا هي جت من ديرتها عندنا زياره وراحت سكنت عند امه وهي دايما تروح لهم عشان زوجها ..طبعا نا زرتهم مع خالتي وحماتي اسلم عليهااا وزوجي مسافر الفتره هذي قلت لها تعاليني قالت زوجي يخاف اهل زوجك يتكلمون عليهـ << لانه قد غلط عليهم بحركه انانيه ..واختي الثانيه تتعذر لي بعمتها وعمتها مافيها الا العافيه تقولي انها فيها زي الجلطه ماتقدر تقوم على رجولها وزرت اختي اخر مره كانت عمتها مسيره على بنتها <عجيبه والله ماتقدر تقوم ومسيره عند بنتهاااا!!!!!!..وتقول زوجي يقول لاتجينهم الا بعزيمه!!!وشو له عزيمه حنا اخوات..هذا انا اجيها بدون عزيمه اتصل واجي كثر الله خيري ازورها عالاقل...شوفوا لي حل الله يجزاكم خير ...كيف اتفادى المشاكل وزوجي لي سنتين وسبعه شهور ماعمري سويت له ليله اوحفله بسببهم وبسبب تفكيرهم الوسخ..ترا فيه اشياء كثير بس ذكرت اللي يشغل بالي اكثر ..ومتعبني ظلموا زوجي الله يهديهم حسبي الله ونعم الوكيل
12-07-1432 هـ, 06:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينك انتبهي لبيتك وزوجك وعيشي حياتك ولا تخلين احد ينكد عليك واهلك لا تطقين مشوار كل اسبوع وبالاخير تصير مشاكل
كلميهم وروحي لهم زوريهم ظيفه واطلعي ظيفه لا تطولين
لين تهدا الامووور
12-07-1432 هـ, 06:48 صباحاً
 
الله يعينك خلاص لاتكثري زيارات لاهلك واهتمي بنفسك وزوجك وحياتك
12-07-1432 هـ, 06:55 صباحاً
 
مو لازم يزورونك خواتك واهلك تجنبيهم بس بري فيهم وروحي لهم بالمناسبات
خلاص ياقلبي الباب اللي يجيك منه الريح....
اهم شي سعادتك انتي وزوجك
12-07-1432 هـ, 06:56 صباحاً
 
الظلم ظلمات ...!! وانتي لازم تنصرين زوجك كما في الحديث : انصر أخاك ظالماً أو مظلوماً

إذا لك مكانة عند أهلك مابيدافع عن زوجك غيرك
12-07-1432 هـ, 06:58 صباحاً
 


الساعة الآن 11:35 .