السلام عليكم

كيف حالكم واخباركم ..

ما راح اطول عليكم ابدا بالموضوع على طول

بصراحة انا وخواتي ناوين ان شاء الله نفتح مشغل بالرياض ..

لانه ممكن هو المشروع المناسب ... بس والله ما حنا عارفين اي شيء عن هذا

المشروع وكل المشاريع التجاريه عموما من حيث التكلفة المادية ، واحتياجات

المشغل من اصغر شيء لاكبر شيء ، الاستقدام وكيف يكون ،، رواتب العاملات ،،

بالنسبة لبداية مشروع مشغل نسائي كيف تكون الاجراءات فتح المشغل يعني اقصد

الاجراءات الحكومية .... ما ادري بس انا سمعت ان فيها تعقد

ياليت توضحون لنا كل التفاصيل


تكفون الي عندها تجربة وخبرة في مشروع المشغل ياليت تكتب لنا

واكون لها من الشاكرين

وان شاء الله ادعي لها بصلاتي

وسلامتكم

انتطر الردود
26-03-1426 هـ, 05:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وين ما فيه احد يبي يرد


تكفون اللي عندها خبرة ياليت تقولنا وتعلمنا الله يجزاها خير

تعاونوا معنا على الخير

ردوا
26-03-1426 هـ, 07:27 مساءً
 
كان بودي يكون عندي خلفية لكن للاسف

عموماً يرفع الموضوع لحاجة الاخت
26-03-1426 هـ, 07:42 مساءً
 
هلا أختي
أنا كنت ابي افتح مشغل وحبيت أعلمك وش هي الإجراءات:-
1/أولا لازم يكون المشغل على شارع عام (مو داخل حاره).
2/لازم تستأجرين المحل قبل ما تروحين للبلديه وتتحددين موقعه.
3/لازم تروحين للبلديه التابعه للحي وتعلمينهم عن مشروعك وعن موقعه.
4/بعد دراسة الموضوع من قبلهم يوافقون ويعطونك شروطهم المعقده.
5/يحولونك لمكتب العمل والعمال ويحددون عدد الفيز الي تستقدمين العمال بموجبها (ويحددون عدد العاملات على حسب حجم المحل) يعني ممكن يعطونك فيزا وحده بس
6/تنتظرين العماله يجون وتبدأين في المحل
7/إذا كنت تبين تفتحين أكثر من فرع لازم تسوين سجل تجاري للمحل وراح تدفعين عليه سنويا دخل الزكاه
8/مـــــــــــلاحظة هـــــــــــــــــــــــــــــــــــــــــــــــــامــــــــــــــــــــــــــــــــــــــــــــــــــــــة:- كــــــل هــــذا والمحل انت مستأجرته ولسا ما أشتغل
والله يوفقك.................
27-03-1426 هـ, 04:15 صباحاً
 
الله يوفقك أختي بس الرياض كلها مشاغل ومطاعم
دوري مشروع مميز
حاولي تسألي وتقرري وبما انك فاتحه المشروع مع اخواتك ف***** الله مافي خوف لان الخساره بتكون مقسمه عليكم
بالتوفيق
27-03-1426 هـ, 11:18 صباحاً
 


الساعة الآن 06:10 .