مرحبا بنات
اليوم خطرت ببالي فكرة غريبة شوي بس لانه مشكلة الحوالة عقدتنا
فلوس توصل ناقصة وشحن واللي تعرف من السعوديات هل الانصاري عندنا وشلون توصل فلوس الحوالة كاملة تخبرنا
فيصير ندفع حول 3 مرات يوم التحويل ويوم توصل ناقصة وحق شحن
واحراج مع البنات طيب
من موضوع غالية هنا قريت تفتح حساب بالامارات
خطرت ببالي فكرة عجييييييييييييييييييييييييييييبة
نعمل حساب خليجي
بالسعودية بالامارات بقطر بالكويت بالبحرين
بتقولون وجدان خرفت بس خطرت ببالي وقلت اشوف الراي بما انه انا والغالية اسبرانسا تنتقاشنا وعسى نوصل لحل.
الفكرة :-
* يتم ترشيح بكل بلد وحدة ثقة تفتح حساب خاص ببنات حواء
الطريقة :-
* مثلا انا ابي اشتري من انستازيا توبات ههههه خاطري فيهم ولحد الان ما اخذتهم المهم بدل ما ادفع حوالة وتتاخر وتنقص وشحن تعلمني كم حسابها قالت 160 درهم اروح ادخلها بحساب السعودية اللي رشحنها وكذا يدخل المبلغ كامل وبدون كلفة وبنفس اليوم .
* وحدة بقطر تبي اغراض من الكويت تدخله بحساب اللي بقطر ورشحناها وكذا كل وحدة تدخل بحساب اللي بمنطقتها .
* خلال اسبوعين كلنا نشتغل اللي تبي شئ تتفق مع اللي تبيعه وتدخل الفلوس باللي بمدينتها .
* المرشحات عليهم متابعة الحسابات بحيث ما تصير لخبطة شلون اللي تبيع اتفقت مع الزبونة ترسل للمرشحة انه الزبونة بتشتري بهالمبلغ بيودع بالحساب والزبونة تبعث لها تفاصيل الايداع وتراجعه اذا تم تحفظه عندها باسم البنت المودعة ولقبها بالمنتدى عشان ما تتلخبط والافضل تحفظ الرسايل الخاصة بمجلد .
* انتهت الاسبوعيين خلاص نبدى التوزيع شلون الحين التاجرة تبدى ترسل الشحن للزبونه فلوس الشحن هنا اللي احترت فيها الحين التاجرة يوم ترسل بتدفع الشحن من عندها ليش لانه الزبونة تودع سعر البضاعة مع تكاليف الشحن بس اللي احترت فيه كم سعر الشحن شلون نعرفه عشان ينرسل معناه لازم نتفق على طريقة معينه تساعدنا على معرفة الاسعار .
* نيجي للفلوس الحين المرشحة تجمع عندها مبلغ تقوم ترسله بواسطة ارامكس للتاجرة يوصل سريع تحطه باي شئ بحيث ما ينعرف فلوس وسعر الشحن من وين تدفعه تاخذ من فلوس الشحن للبضاعة من كل وحدة وكل بلد لوحده يعني الشحن بتكون عارفة حسابة كله بحيث تدخل للتاجرة سعر البضاعة .
* توصل للكويت مثلا على عنوان تاجرة عاد تاخذ فلوسها والباقي تتفق مع التاجرات اللي بمدينتها ويتصرفون يا يتقابلون يد بيد او بحسابهم .
* المرشحة لتعبها ممكن تكون لها اتعاب الشحن لانه التاجرة بالاساس خذت فلوسها والزبونة اغراضها والمرشحة استفادت.
ما اعرف الشغلة طويلة يمكن معقدة شوي بافكاركم ممكن نوصل لحل
26-03-1426 هـ, 12:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فكرة حلوة وعملية وزكية
عسى البنات يفهومها صح ويعرفون فوائد هالطريقة
وسيدات الأعمال الناجحات فقط هم يلي يفكرون بهالطريقة
اثبتي صج يا وجدان انج سيدة اعمال متألقة
وعلى فكرة بعض البنات مارح يفهمونج صح
لكن اعتقد انه موضوع راقي جدا
انا معاج
الى الأمام يا وجدان ونحن من ورائك
26-03-1426 هـ, 01:18 مساءً
 
والله خوش فكره ماشالله عليج اختي وجدان بس المشكله مني اللي بتتحمل هالمسؤوليه الكبيره الامانه تتبرى منها السماوات والارض صعبه ترا يعني لازم وحده ثقه ثقه ثقه وتكون متفرغه لمتابعة هالشي موفقين ****لله و****لله تحقق الفكره قريب واللي عندها ملاحظات ممكن تضيفها نستفيد كلما
26-03-1426 هـ, 01:39 مساءً
 
نانوش الكويت
يسلموا يا عسل واذا عندك اي اضافة خبريني وتمام وياي
عاد بالكويت شغلات حلوة

والكلام صح حوسة بس اللي مو فاهمة شئ تسال بنات
وزي ما قالت نانوش الفكرة تمام بس ركزوا شوي
26-03-1426 هـ, 01:39 مساءً
 
بنت الكويت العسل
كويتيات عسل بجد اول من رد
اهو صح امانة بس حنا بنختار من المعروفات بالمنتدى ممكن ترشيح زي افضل تاجرة
حكاية متفرغة هذي صح ممكن تحدد وقت نشتغل خلال هالشهريين لانه بالصيف الكل بيسافر او ينشغل
طيب خبريني ويانا يا امورة انتي او لا
فخاطري بالمقص
كمان بنات بيصير فيه حركة وتنشيط بالبضاعة لانه اسبوعيين ونوزع وكذا فبيكون فيه جدية
26-03-1426 هـ, 01:42 مساءً
 


الساعة الآن 09:45 .