عيالي بيضيعون بسبب ابوهم

السلام عليكم


ماادري من وين ابدا بس ببدا من اخر مشكله صارت لي تخيلوا زوجي ماعاد يحترمني ويقط علي كلام قدام عيالي وانا كله عندي الا الاحترام يعني مثلا امس كنت تعبانه ويسالني عن مكان العلاج ويوم لقاه في مكان ثاني يقولي الله يعافيك باسلوب استهتار واحيانا يقولي يابقره ياغبيه انتي نقص مع انه مستحيل يسوي موضوع قبل يستشيرني فيه حتى لو صارت مشكله مع اخوانه يجي يسالني يدور حل؟؟؟؟
وصار يدور على اي زله عشان يرفع صوته ويهاوش
المهم انا ماخليت معه حل وماسويته زعلت عليه جيته بالاسلوب الحلو عليت صوتي مافاد ولاشي
امس تكلمت معه بااسلوب وقلت له اسلوبك معي صاير زفت وكانه ماسمعني وصار يتمادى بقله الحياء وزعلت قالي وش فيك قلت انت عارف
قال لولدي امك ذي مريضه امك فيها جن امك مهبوله
انا طنشته وقلت بنام احسن لي لاني كنت مزكمه ودايخه واسمعه بالصاله يعلي صوته يبيني اسمع يقول لعيالي جوعانين جعل امكم الجوع عشان ولدي قاله قطع لي برتقاله شوي يقول انا امكم كل شي ان اللي اسويه وهو نايم من العصر لين الساعه 10وهاذا حاله كل يوم يانايم يابرا البيت
ومدري شقال بعد ماسمعته المهم نمت من الدوخه شوي يدخل بنتي الصغيره عندي ويولع النور ويسكر الباب وهي جالسه تبكي تبي تطلع واقوم افتح لها الباب وطلعت وسكتت ويوصي ولدي الصغير يقوله رح دخلها عند امها وسكر الباب يوم جاني ولدي قلت له لاتسكر الباب وماسمع كلامي وراح يركض لابوه انا قمت من الحره الحقه ويمسكني ابوه بكل قوته ويدفني على الدولاب انا ماعاد قدرت امسك نفسي ماادري شصار لي قعدت اضرب فيه بكل قوتي ومابقى كلمت سب ماقلتها له حتى هو وقف مفجوع من الموقف بس هو وصلني لمرحله حسيت اني ماعاد تحكمت بنفسي
واحنا الحين زعلانين من بعض والفتره الاخيره صرنا نزعل من بعض كثير ونقعد بالاسابيع مانكلم بعض مع ان احنا ماكنا كذا بالعكس الكل كان يحسدنا على حبنا وتفاهمنا بس هالسنه الاخيره ماادري ليه صرنا كذا
تكفون ساعدوني احس بيتي بينهد انا بنالنسبه لي مافرقت معي بس عيالي وش ذنبهم

وفيه موضوع ثاني رافع ضغطي فيه من يوم ماتزوجنا لليوم تخيلوا مستحيل اسافر انا وياه بروحنا لازم احد من اهله معنا المشكله فيه ثنين من اخوانه متزوجين غيره واذا قالت لهم ليش مارحتوا مع فلان تقول امه رجال وزوجته اروح معهم وش اسوي وانا وزوجي ربع ولا اخوان والمشكله اذا رحنا وماقلنا لهم يتصلون عليه واسمعوا انواع التهزي وهو ضعيف شخصيه عند اهله ولو قلت له احد من اخواني او امي بيروح معنا يرفض مره قلت له امي بتروح معنا تحضرزواج اخوه في مدينه ثانيه تقدير لهم وافق وراح لاهله وحلفوا انه مايوديها وهزئوه لين قال بس وقال لي خلاص مافيه مكان لامك وش الحل المشكله ان ابوه متوفي وهو اللي قايم باهله مع ان له اخو اكبر منه بس هو اللي متحمل المسوليه من وفاه ابوه