Analysis Services
السلام عليكم

هذي اول مره اشترك فيها في منتدى العروض التجاريه كتاجره مب مشتريه

عجبتني الفكره اني ممكن اسوق بعض المنتجات في المنتدى

معظم المنتجات اللي ببيعها بتكون اشياء متعلقه بالتجميل والعنايه بالجسم لانه هذا عشقي صراحه وماافهم شي شي ثاني غير هالمجال ،،، صارلي فتره كبيره اتعامل مع انواع واشكال المكياجات اللي مب موجوده عندنا في الامارات وعرفت النوعيات الجيده والنوعيات اللي اي كلام ،، يعني تقدرون تقولون صارت عندي خبره كبيره في مجال المكياج وانواع العنايات بالبشره والجسم وشو اللي فعلا يفيد وشو اللي طلع دعايه على الفاضي بس هذا غير طبعا القرايه في كتب التجميل لكبار خبراء التجميل في الولايات المتحده (وياما اكتشفت اخطاء في النصايح اللي كانوا يعطونا اياها "بياعات" باريس غاليري والصالونات اللي يسمون نفسهم خبراء تجميل على الفاضي"

المهم بعد هالمقدمه اللي الهدف منها انكم تتعرفون عليه شوي بغيت ابدا في اول شي راح اعرضه عليكم

اول منتج بيكون علبة غلوس pop والعلبه عباره عن 12 لون "يعني مدمنات الغلوس مثلي بيتخبلون عليه" هالمنتج بالاضافه الى ترطيب الشفايف يعطيهم لون يتم فتره اطول من باقي الغلوسات وينفخ الشفايف والمنتج يعطيج طعم فواكه وفانيليا



علبة الغلوس الثانيه هي من ماركة sugar في العلبه بعد 12 لون وصراحه انا اخترت احلى الالوان لانه في علب غلوسات فيها الوان ما حسيتها حلوه ،، وهذي صورة غلوسات sugar



ثمن علبة غلوسات sugar بتكون 180
ثمن علبة غلوسات pop بتكون 170

خواتي للتبيه لاني توني مبتدئيه في مجال التجاره فانا طلبت من كل علبه 5 حبات بس يعني pop طلبت 5 علب ومن sugar بعد 5 علب فالكميه محدوده جدا لانه ماودي اجازف بمبلغ اكبر وللعلم هالعلب في الطريج يعني بعدها ماوصلتني فاللي تبا من هالعلب تقدر تدفع من الحين ومن توصل الغلوسات بطرشلها اياهم يعني ماشي حجز اللي تبا تدفع (صراحه تعلمت من كثر مااقرا اللي يصير في سالفة الحجز) واسمحولي خواتي هذي بيزات تعبنا فيها ماودنا تروح علينا


الشي الثاني اللي طلبه لكم هو اشرطة دينيس اوستن (مدربة رياضه مشهوره في امريكا وتعتبر من مدربي الرياضه للمشاهير في هوليود) وهالاشرطة فيه منها رياضه لتنحيف وشد الزنود والصدر والسلسله الثانيه لتنحيف منطقة البطن والسلسله الثالثه هي لتنحيف وشد منطقة الفخوذ والمؤخره
كل شريط من هالاشرطه يحتوي على ثلاث مراحل متدرجه من الرياضه كل مرحله 10 دقايق(3 مرات في الاسبوع) تستمرين عليها اسبوعين قبل ماتروحين للمرحله الثانيه ،،،، مااظن فيه اسهل من جذيه كل يوم رياضه لمدة 10 دقايق مب اكثر وعلى ضمانتي شوفي كيف بتصير المنطقه اللي تبين تنحفينها وهذا عن تجربه والله

انا طلبت من كل سلسله 3 اشرطه بس عشان اشوف كيف بيكون الطلب عليهم وسعر شريط الفيديو الواحد 100 درهم
27-03-1426 هـ, 12:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عزيزتي

بالنسبة لأشرطة الرياضة.... ممكن ايكونن DVD ؟
27-03-1426 هـ, 01:17 مساءً
 
و صدق
اشكبر الغلوس الواحد؟

يعني ايي طويل ؟ كم مليمتر؟
27-03-1426 هـ, 01:19 مساءً
 
Essence

الغاليه انا طلبتهم اشرطة فيديو عاديه لانه الدي في دي بيكلف اكثر

وعن الغلوسات يكونن صغار لانه تعرفين في العلب اللي تضم اكثر من غلوس دايما يصغرون العلبه
27-03-1426 هـ, 01:52 مساءً
 
الله يوفقك......

انا ودي في الشريط.........بس خليني اشاور وارد لك

الله يرزقك
27-03-1426 هـ, 02:11 مساءً
 


الساعة الآن 06:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏